ފަލަސްޠީނުގެ މިކުޑަކުއްޖާ، އޭނާގެ ޢާއިލާގެ މެމްބަރުންނަށް އަލްވަދާޢުކިޔަމުންދާއިރު......
- haqqubooks
- Nov 18, 2023
- 1 min read
، އެތުއްތު ކުއްޖާގެ އިޙްސާސްތައް އެ މަޢުސޫމު ދެލޮލުން ބުނެދެމުން ދެއެވެ.
އުފަންވެގެން އައީ ގެދޮރުނެތި ވިއްސިވިހާލިވެގެންވާ ޙާލެއްގައެވެ. ބަޔަކު އެހިތެރިވުމުން ޖިފުޓިގަނޑެއް ފަދަ ކުޑަ އެޕާޓްމަންޓެއް ހެދޭއިރު، ޔަހޫދީ ބުލްޑޯޒަރުތަކުން އެގެތައް ފުނޑާލައެވެ. ނުވަތަ ޔަހޫދީ ޖެޓްތަކުންދޭ ޙަމަލާތަކުގައި ގެތައް ގޮއްވާލައި ކުރިން ގެއެއް އަޅަންކުރި މަސައްކަތް އަނެއްކާވެސް ކުރަންޖެހެއެވެ. ނަމަވެސް އޭރު ބައްޕަ މުސްކުޅިވެ ވަރުބަލިކޮށްލާފިއެވެ.
އަދާކުރާނެ ވަޒީފާއެއްނޯވެއެވެ. ލާރިހޯދަން މަސައްކަތްކޮށް ވިޔަފާރި ބިނާކުރާނެ އިޤްތިޞާދެއް ނޯވެއެވެ. ޔަހޫދީންނަށް ގުލާނުތަޅައިގެން ފައިސާހޯދުން ނުވަތަ ދުނިޔޭގެ އެހީޖަމިއްޔާތަކާއި، ޔޫއެންގައި ސަލާންޖެހުން މިއީ ފަލަސްޠީނު ރައްޔިތުންގެ ވަޒީފާކަމުގައި، އެމެރިކާއިން ހަދައިފިއެވެ.
ފަހެ އެހުރިހާ އުނދަގުލެއް ތަޙައްމަލުކުރަމުންދާ މިކުޑަކުއްޖާ ފަދަ ކިތައްކުދިން މިއަދު ޣައްޒާގައި ވޭހެއްޔެވެ؟ އެކުދިންނަށް ނަޞްރު ދިނުމަށް އެއަތްތަކުގައި ހިފާލީ އުއްމަތުގެ ކޮން ލީޑަރެއްހެއްޔެވެ؟
