ދުނިޔެއަކީ ޤާއިމުވުމުގެ ގޮވެއްޗެއް ނޫނެވެ.
- --
- 22 hours ago
- 1 min read
🍁 އަލްފުޟައިލު ބްނު ޢިޔާޟު (187ހ) ވިދާޅުވިއެވެ:
”ދުނިޔެއަކީ ޤާއިމުވުމުގެ ގޮވެއްޗެއް ނޫނެވެ.
އާދަމުގެފާނު ދުނިޔެއަށް ބޭލެއްވުނީ ޢުޤޫބާތެއްގެ ގޮތުންނެވެ.
(އެހެން ރިވާޔަތެއްގައި: އެކަލޭގެފާނަށާއި އަދި އެކަލޭގެފާނުގެ ދަރިފަސްކޮޅަށް ޤިޔާމަތްދުވަހާ ހަމައަށް ކަންކަންވަމުންދާ ގޮތް ނުފެނޭހެއްޔެވެ؟)
ފަހެ އެކަލާނގެ އިންސާނާގެ ކިބައިން އެދުނިޔެ ފޭކުރައްވާ ގޮތް ނުފެނޭހެއްޔެވެ؟
އެއްފަހަރު ބަނޑުހައިހޫނުކަން ޖައްސަވާ،
އަނެއްފަހަރު އުނުއޮރިޔާން ނިވާކުރަން ދަތިކުރައްވާ،
އަނެއްފަހަރު ޙާޖަތް ޖައްސަވައިގެން އެދުނިޔެ އޭނާއަށް ހިތި އެއްޗެއްކަމުގައި ހައްދަވާތަން ނުފެނޭހެއްޔެވެ؟
(އެކަލާނގެ އެމީހުންނަށް އެދުނިޔެ ހިތިކުރައްވާ، އެއީ ވަރުބަލިކަމުގެ ގޮވެއްޗެއްކަމުގައި ލެއްވިއެވެ. އާދަމުގެ ދަރީންނާމެދު އެކަލާނގެ އިރާދަކުރައްވާ ގޮތަކަށް ކަންކުރައްވައެވެ.)
އެއީ ދަރިފުޅަށް އޯގާތެރިވެ ރަޙުމްކުރާ މަންމަ އެކުއްޖާއާމެދު ކަންތައްކުރާ ގޮތަށެވެ.
އެއްފަހަރު ހިތިފަތު ދިޔަ، އަނެއްފަހަރު ހަބަރު އެކުއްޖާއަށް ބޯންދެއެވެ.
[އަނެއްފަހަރު ހިތި ނޫން ބޭސް ދެއެވެ.]
އެހުރިހާ ކަމެއްކުރަނީވެސް އެކުއްޖާއަށް ހެވަކަށް އަދި އެންމެ ފައިދާބޮޑު ގޮތްކަމުގައިވާތީއެވެ.“
📚 ޙިލްޔަތުލް އައުލިޔާ، މިރްއާތުއް ޒަމާން، ސިޔަރު އަޢުލާމުއް ނުބަލާއު 📚
