އަހަރެންގެ ބައްޕަގެ ޙިމާރެއް ގެއްލުނެވެ.
- --
- 2 days ago
- 1 min read
🌱 ޖަޢުފަރު ބްނު މުޙައްމަދު (148ހ) ކިޔާދެއްވިއެވެ:
”އަހަރެންގެ ބައްޕަގެ ޙިމާރެއް ގެއްލުނެވެ. ދެން ބައްޕަ ވިދާޅުވިއެވެ:
”ﷲ ތަޢާލާ އަހަރެންނަށް އޭތި އަނބުރާ ރައްދުކުރައްވައިފިނަމަ ފަހެ އެކަލާނގެ ރުއްސަވާނޭ ޙަމްދުގެ ބަސްތަކަކުން އަހަރެން އެކަލާނގެއަށް ޙަމްދުކުރާހުށީމެވެ.“
ދެން މާ ގިނައިރެއް ނުވެ އޭގެ އަސްދާނުގޮނޑިއާއި ލަގަނާއި އެކީގައި އޭތި ގެނެވުނެވެ. ދެން އެކަލޭގެފާނު އެއަށް ސަވާރުވިއެވެ.
އަދި އޭގެ މައްޗަށް ސީދާވިހިނދު، ހެދުން ބޮނޑިކޮށްލައްވާފައި، އުޑާއި ދިމާލަށް އިސްތަށިފުޅު އުފުއްލަވާފައި ވިދާޅުވިއެވެ:
«الحمد لله» (ހުރިހާ ޙަމްދެއްހުރީ ﷲ އަށެވެ.)
އެއަށްވުރެ އެއްޗެއް އިތުރެއް ނުކުރައްވައެވެ. ދެން އެކަމާމެދު ސުވާލުކުރެވުމުން ވިދާޅުވިއެވެ:
”އަހަރެން އެއްޗެއް ބާކީކޮށްފިންހެއްޔެވެ؟
ހުރިހާ ޙަމްދެއް އެކުއެކީ ވަނީ ﷲ ޢައްޒަ ވަޖައްލައަށް އަހަރެން މިހެދީއެވެ.“
📚 އައްޝުކްރު ލިއިބްނު އަބިއް ދުންޔާ، ޙިލްޔަތުލް އައުލިޔާ، ޝުޢަބުލް އީމާން ލިލްބައިހަޤީ 📚
