ދުނިޔެމަތީގައި މީހަކަށް ލިބޭނެ ހެޔޮ ޞިފަތަކުން އެންމެ ފުރަތަމަކަމަކީ ބުއްދިވެރިކަމެވެ.
- --
- 11 minutes ago
- 1 min read
🪴 އިބްނު ޙިއްބާނު (354ހ) ވިދާޅުވިއެވެ:
"ދުނިޔެމަތީގައި މީހަކަށް ލިބޭނެ ހެޔޮ ޞިފަތަކުން އެންމެ ފުރަތަމަކަމަކީ ބުއްދިވެރިކަމެވެ. އަދި އެއީ ﷲ ތަޢާލާ އެކަލާނގެ އަޅުތަކުންނަށް ދެއްވި އެންމެ ހެޔޮ ރަނގަޅު ކަންތަކުންވާ ކަމެކެވެ.
އެހެންކަމުން އެއާ އިދިކޮޅު ޞިފައެއް ޤާއިމުކޮށްގެން ހުރި މީހަކާ އެކުގައި އިށީންދެ އުޅެގެން ﷲ ދެއްވި ނިޢުމަތް ގަޑުބަޑުކޮށް ހުތުރުނުކުރާހުއްޓެވެ...
ބުއްދިއާއި ވިސްނުންތެރިކަން އިތުރުކޮށްދޭނެ ކަމަކީ: އޭނާފަދަ (އެހެން ބުއްދިވެރިންނާ) ގާތްވުމާއި، އެއާ އިދިކޮޅު އިދިކީލި މީހުންނާ ދުރުވުމެވެ...
އަބޫ މާލިކު އަލްޣަނަވީ ވިދާޅުވިއެވެ:
"ރަޙުމަތްތެރިންވިޔަސް އަދި ދުޝްމަނުންވިޔަސް ތިޔަބައިމީހުން ބުއްދިވެރިންނާއެކު އިށީންދެ އުޅޭށެވެ.
އެހެނީ ބުއްދިތަކުން އެހެން ބުއްދިތައް ޖޯޑުކުރުވައެވެ."
ބުއްދިވެރިންނާއެކު އިށީންނުން ދެ މާނައިންކުރެ އެއް މާނައެއް ނެތި ނުދެއެވެ:
އެއްގޮތަކީ: ބުއްދިވެރިޔާ ސަމާލުވާންޖެހޭ ޙާލަތެއް އޭނާއަށް (އެހެން ބުއްދިވެރިންގެ ފުށުން) ހަނދާންކޮށްދިނުމެވެ.
ނުވަތަ އަނެއްގޮތަކީ: ޖާހިލުމީހާ ދަންނަންޖެހޭ ނުރައްކާތެރި މުހިއްމު ކަމެއް އޭނާއަށް އަންގައިދިނުމެވެ.
ބުއްދިވެރިޔާގެ ގާތްވުމަކީ އޭނާފަދަ މީހުންނަށް ހުރި ޣަނީމާއެކެވެ.
އަދި އޭގެ އިދިކޮޅު މީހުންނަށް ހުރި ޢިބްރަތެކެވެ.
ހުރިހާ ޙާލަތެއްގައިވެސްމެއެވެ. .“
📖 ރައުޟަތުލް ޢުޤަލާ 📖
