ބިމަކީ މީހަކު މުޤައްދަސް ކުރުވާ އެއްޗެއް ނޫނެވެ..
- haqqubooks
- Nov 25, 2023
- 1 min read
ރަސޫލާ صلى الله عليه وسلم މަދީނާއަށް ވަޑައިގެން މުހާޖިރުންނާއި އަންޞާރުން އަޚުކުރެއްވުމުގެ ތެރޭގައި: އަބުއް ދަރްދާއު އާއި ސަލްމާނުލް ފާރިސީ އަޚު ކުރެއްވުނެވެ. ދެން އެދެބޭކަލުން އަޚުން ފަދައިން އުޅުއްވިއެވެ.
ޢުމަރުގެފާނުގެ ޚިލާފަތުގައި ޝާމްކަރަ ފަތަޙަކުރެވުނު ހިނދު، އެތަނުގައި މީސްތަކުންނަށް ޤުރުއާން އުނގަންނައިދީ، ޤާޟީކަން ކުރެއްވުމަށް އަބުއް ދަރްދާއު ކަނޑައަޅުއްވާ ފޮނުއްވުނެވެ.
ދެން ދުވަސްގަނޑެއް ފަހުން އެކަލޭގެފާނުގެ ލޯބިވާ އަޚާ ސަލްމާނުލް ފާރިސީއަށް ސިޓީއެއް ލިޔުއްވިއެވެ:
'މުޤައްދަސް މާތް ބިމަށް ތިބާވެސް އަވަހަށް އަންނާށެވެ!'
ޖަވާބުގައި ސަލްމާނު ލިޔުއްވިއެވެ:
'ހަމަކަށަވަރުން ބިމަކީ އެއްވެސް މީހަކު މުޤައްދަސްކޮށް މާތްކުރާ އެއްޗެއް ނޫނެވެ. އެކަމަކު އިންސާނާ މުޤައްދަސްކޮށްދޭ އެއްޗަކީ އޭނާގެ ޢަމަލެވެ.
އޭ އަހަރެންގެ އަޚާއެވެ. އެއް ބިމާއި އަނެއް ބިން ކިތަންމެ ދުރުގައި ވިޔަސް،
ފަހެ ރޫޙު ވަނީ އަނެއް ރޫޙާއި ކައރިވެގެންނެވެ.
ފަހެ އުޑުގައި އުދުހި އުޅޭ ދޫނިސޫފާސޫފިވެސް ޖައްސަނީ އެސޮރުމެން ދެކެފަރިތަވެ އޮޅުވެފައިވާ ބިންތަކަށެވެ.'
📖 އަލްބިދަޢު ލިއިބްނު ވައްޟާޙު 📖
