ބަލިމަޑުކަމާއި، ބަނޑުހައިހޫނުކަން، އަދި ހަނގުރާމަ އާއި، ފަޤީރުކަން ނިޔާކުރައްވާ ކަނޑައަޅުއްވަނީ ﷲ .

ބަލިމަޑުކަމާއި، ބަނޑުހައިހޫނުކަން، އަދި ހަނގުރާމަ އާއި، ފަޤީރުކަން ނިޔާކުރައްވާ ކަނޑައަޅުއްވަނީ ﷲ އެވެ.

އެކަންކަމުން އެއިލާހު އެދިވޮޑިގަންނަވަނީ އަޅާ އެއިލާހުގެ ހަޒްރަތަށް މަޑުމޮޅިކަމާއި، ނިކަމެތިކަމާއެކު އަޅުވެތިކަމުގެ ވެލިގަނޑުގެ މަތީގައި މޫނު ކާއްތާ ހާލު، ﷲ ތަޢާލާގެ ހަޒްރަތަށް ދިއުމަށް ލޯބިކޮށް އެކަމަށްޓަކައި ހިތް އެދި ގޮވާ ހާލު އެނބުރިދިއުމެވެ.

އެއީ މިކަމުގެ ސަބަބުން އޭނާގެ ދަރަޖަ މަތިވެރި ކުރެވި ޝަރަފުވެރި ކުރެއްވުމަށް ޓަކައެވެ.

އެހެންނަމަވެސް، ހިތް ގާވެ ހަރުވުމުގެ ސަބަބުން އަޅާ ކަސްދޮޅު އެޅުވިގެންދެއެވެ.

ނަތީޖާއެއްގެ ގޮތުން، އޭނާއަށް މި މަތިވެރިވެގެންވާ މަޤާމަށް ވާސިލެއް ނުވެވެއެވެ.

(فَلَوْلَآ إِذْ جَآءَهُم بَأْسُنَا تَضَرَّعُوا۟ وَلَٰكِن قَسَتْ قُلُوبُهُمْ) - الانعام: ٤٣

މާނަ: "ފަހެ އެމީހުންނަށް ތިމަންރަސްކަލާނގެ إمتحان އައިހިނދުން އެމީހުން ބިރުވެތިވެ ކިޔަމަންތެރިވެ إخلاض ތެރިވީނަމައެވެ. (އެހެނެއްނުވިއެވެ.) އަދި ކިޔެއްހެއްޔެވެ؟ އެމީހުން ހިއްތައް ހަރުކަށިވެ ގަދަވީއެވެ."

ޝައިޚް އިބްރާހިމް ސަކްރާން (فك الله أسره)

- رقائق القرآن-