މަރު ހަނދުމަކުރުން ގިނަކޮށްފިމީހާ ވަކި އޭނާގެ އަޖަލުޖެހުމުގެ ކުރިން މަރެއް ނުވާނެއެވެ!
- --
- Jan 2
- 1 min read
💥 ޔަޙްޔާ ބްނު މުޢާޛު (258ހ) ވިދާޅުވިއެވެ:
”މަރު ހަނދުމަކުރުން ގިނަކޮށްފިމީހާ ވަކި އޭނާގެ އަޖަލުޖެހުމުގެ ކުރިން މަރެއް ނުވާނެއެވެ!
އެއާއެކު އޭނާއަށް ތިން ހެޔޮކަމެއް ލިބެއެވެ:
▫️ފުރަތަމައީ: ތައުބާވުމަށް އަވަސްވުމެވެ.
▫️ދެވަނައީ: ލިބުނު މަދު ރިޒްޤަކަށްވެސް ހިތްރުހި ފުދުންތެރިވުމެވެ.
▫️ތިންވަނައީ: އަޅުކަމުގައި މުރާލިވެ ހީވާގިވުމެވެ.
ދުނިޔެއަށް ދަހިވެތިވެގެން އުޅޭ މީހާ ފަހެ، ﷲ އޭނާއަށް ލިޔުއްވާފައިވާ އެއްޗަކަށްވުރެ ވަކި ބޮޑަކަށް ނުކެވޭނެއެވެ.
އަދި އެއާއެކު އޭނާއަށް ތިން ޢައިބެއް ލައިގަނެއެވެ:
▪️ފުރަތަމައީ: ތިބާއަށް އޭނާ އަބަދުވެސް ފެންނާނީ ﷲ އޭނާއަށް ދެއްވި ތަކެއްޗަށް ޝުކުރުވެރިނުވާ ތަނެވެ.
▪️ދެވަނައީ: ދުނިޔެއިން އޭނާއަށް ދެއްވިފައިވާ އެއްޗަކުން (އެހެން މީހުންނަށް ހެޔޮފޯރުކޮށްދިީ) ވާގިވެރިނުވެއެވެ.
▪️ތިންވަނައީ: ﷲ އޭނާއަށް ދެއްވާފައިނުވާ އެއްޗެހިތަކެއް ހޯދުމުގައި އޭނާ އަވަދިނެތިއުޅެ ވަރުބަލިވެއެވެ.
އެހެންގޮސް ދީނީ ޢަމަލުތައް ކުރުންވެސް އޭނާ ފާއިތުކޮށްލައިފުމަށް ދާންދެނެވެ.“
📖 ޙިލްޔަތުލް އައުލިޔާ 📖
