އެއުޚްތާގެ ޙަރަކާތްތަކުން ތިޔަބައިމީހުނަށް އަސަރެއްނުކުރޭ ހެއްޔެވެ؟
- haqqubooks
- Jan 9, 2024
- 1 min read
އޭ މުސްލިމް އުއްމަތެވެ. ނިކަންދެކޭށެވެ. އެއުޚްތާގެ ޙަރަކާތްތަކުން ތިޔަބައިމީހުނަށް އަސަރެއްނުކުރޭ ހެއްޔެވެ؟ ޔަހޫދީންގެ އަނިޔާތަކުން އެހިތް ކުދިކުދިކޮށްލައިފިއެވެ. މިއަދު އުއްމަތުން ހަނދާންއާކޮށްލަދެނީ ފިރުޢައުނުގެ އަމުރަށް ހޫނުތެޔޮގަނޑަށް އަޅާލި މުއުމިނު އަންހެންކަމަނާއާއި އެކަމަނާގެ ތުއްތުދަރިފުޅެވެ. އެކުއްޖާއީ މަހުދުގައި ވާހަކަދެއްކި ކުދިންގެ ތެރެއިން ކުއްޖެކެވެ.
އޭ އުއްމަތުގެ ޒުވާނުންނޭވެ! ތިޔަބައިމީހުން ފުރަގަސްދޭނަމަ، ﷲ ތަޢާލާ ތިޔަބައިމީހުންގެ ބަދަލުގައި އެހެންބަޔަކު ގެންނަވާނެއެވެ.
އަބޫ ހުރައިރާ ރަޟިޔަﷲ ޢަންހުގެ ކިބައިން ރިވާކުރައްވާ ޞަޙީޙުލް ބުޚާރީގައި ގެންނަވާފައި ވެއެވެ. ވިދާޅުވިއެވެ.: ((ހަމަކަށަވަރުން ރަސޫލު ﷲ ސުވާލުކުރެވުނެވެ. އެންމެހެޔޮވެގެންވަނީ ކޮންޢަމަލެއް ހެއްޔެވެ؟ ފަހެ، އެކަލޭގެފާނު ޙަދީޘްކުރެއްވިއެވެ.: ﷲ އަށް އީމާންވުމާއި އެއިލާހުގެ ރަސޫލާއަށް އީމާންވުމެވެ. ދެންނެވުނެވެ. ދެންކޮންކަމެއްތޯއެވެ. ޙަދީޘްކުރެއްވިއެވެ.: ﷲ ގެ މަގުގައި ޖިހާދުކުރުމެވެ. ދެންނެވުނެވެ ދެން ކޮންކަމެއްތޯއެވެ. ޙަދީޘްކުރެއްވިއެވެ.: މަބްރޫރު ޙައްޖަކުން ޙައްޖުވުމެވެ. )) (އަލްބުޚާރީ)
