ރޯދަ ވީއްލުމަށް ފަހު ކިޔުމަށް އެންމެ ރަނގަޅީ ކޮން ގޮތެއް؟

🔰 އިބްނު ޢުމަރު ރަޟިޔަﷲ ޢަންހުމާގެ ކިބައިން ރިވާވެގެން ވެއެވެ . ރަސޫލު ﷲ ﷺ ރޯދަ ވީއްލުމަށްފަހު ވިދާޅުވާ ކަމުގައި ވެއެވެ .

(( ذَهَبَ الظَّمَأُ وَابْتَلَّتْ الْعُرُوقُ وَثَبَتَ الْأَجْرُ إِنْ شَاءَ اللَّهُ))

"ނާރުތައް ތެމި ކަރުހިއްކުން ފިލައި ގޮއްސިއެވެ. އަދި إن شاء الله އަޖުރު ޘާބިތުވެއްޖެއެވެ." (އަބޫ ދާވޫދު 2357)

މާތް ނަބިއްޔާގެ ސުންނަތައް ތަބަޢަވުމުގައި ވީހާވެސް ބޮޑަށް ޞައްޙަ ޙަދީޘްތަކަށް ޢަމަލުކުރެވޭތޯ ބަލާށެވެ. އެހެނީ ޙަދީޘް ޢިލްމުގެ އިމާމުން އެތައްބުރަ މަސައްކަތެއްކޮށް ޞައްޙަ ޙަދީޘްވަކިން ޖަމާކޮށް އެފަދަ ފޮތްތަކަށް "ޞަޙީޙް" މި ނަން ދީފައި ވަނީވެސް ، ޙަޤީޤީ ސުއްނަތަށް މީސްތަކުންނަށް މަގުދެއްކުމަށެވެ.