4 އޭޕްރީލް، އީރާނު ހަނގުރާމައިގެ ޚުލާސާ / 36 ވަނަ ދުވަސް:

🇺🇸🇮🇷🇴🇲 -

ކަނޑުއޮޅި ބަންދުކުރުން:އީރާނުން ހޯރްމޫޒް ކަނޑުއޮޅި ގާތް މުސްތަގުބަލެއްގައި އަލުން ހުޅުވާލާނެ ކަމަށް ނުބެލެވޭ ކަމަށް އެމެރިކާގެ އިންޓެލިޖެންސް މަސްދަރުތަކާ ހަވާލާދީ ރޮއިޓާސްއިން ރިޕޯޓްކޮށްފިއެވެ.

🇮🇷🇮🇱 -

ޕެޓްރޯކެމިކަލް މަރުކަޒަށް ހަމަލާދިނުން:އީރާނުގެ ހުޅަނގު ދެކުނުގައި އޮންނަ ބަންދަރު-އި މަހްޝަހްރުގައި ހުންނަ ބޮޑު ޕެޓްރޯކެމިކަލް ކާރުޚާނާއަކަށް އިސްރާއީލުން ވަރުގަދަ ހަމަލާތަކެއް ދީފިއެވެ.

🇱🇧🇮🇱 -

އިސްރާއީލް ސިފައިންގެ މަރު:ލުބުނާނުގައި ހަރަކާތްތެރިވާ ހިޒްބުاللهގެ ހަނގުރާމަވެރިއެއް ކަމަށް އޮޅިގެން، އިސްރާއީލް ސިފައިން ދިން ހަމަލާއެއްގައި އެ ގައުމުގެ އުމުރުން 21 އަހަރުގެ ސްޓާފް ސާޖަންޓް ގާއި ލޫޑާ މަރުވެއްޖެއެވެ. މި ހާދިސާގައި އިތުރު ސިފައިންގެ މީހަކަށް ބޮޑެތި އަނިޔާތަކެއް ލިބިފައިވާ ކަމަށް އިސްރާއީލުގެ ޗެނަލް 12 އިން ރިޕޯޓްކުރެއެވެ.

🇺🇸🇮🇷 -

ގާސިމް ސުލައިމާނީގެ އާއިލާގެ މެންބަރުން ހައްޔަރުކުރުން:އީރާނުގެ ކުރީގެ އަސްކަރީ ކޮމާންޑަރު ގާސިމް ސުލައިމާނީގެ އާއިލާގެ ދެ މީހަކު އެމެރިކާގެ ފެޑެރަލް އެޖެންޓުން ހައްޔަރުކޮށްފިއެވެ. މިއީ އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ އެމީހުންގެ ރެސިޑެންޓް ސްޓޭޓަސް ބާތިލުކުރުމާ ގުޅިގެން ހިންގި އޮޕަރޭޝަނެކެވެ. ނަމަވެސް، ސުލައިމާނީގެ ދަރި ޒައިނަބް ސުލައިމާނީ ވަނީ އެއީ ދޮގު މައުލޫމާތެއް ކަމަށާއި، ހައްޔަރުކުރި މީހުންނަކީ އެމީހުންގެ އާއިލާއާ އެއްވެސް ގުޅުމެއް އޮތް ބައެއް ނޫން ކަމަށް ބުނެފައެވެ.

🇮🇷🇰🇼 -

ކުވެއިތުގެ ތެޔޮ ކުންފުންޏަށް ހަމަލާދިނުން:ކުވެއިތު ޕެޓްރޯލިއަމް ކޯޕަރޭޝަންގެ އިމާރާތަށް އީރާނުން ދިން ހަމަލާތަކެއްގައި އެ އިމާރާތުގައި ބޮޑު އަލިފާންގަނޑެއް ރޯވެއްޖެއެވެ. މީގެ އިތުރުން، އީރާނުން ކުވެއިތުގެ ހަކަތަ އުފައްދާ މަރުކަޒުތަކަށް ދިން ހަމަލާތަކާ ގުޅިގެން ކުވެއިތުގެ އަލް ޖަހްރާ ސަރަހައްދުން ވަނީ ކަރަންޓުގެ ޚިދުމަތް މެދުކެނޑިފައެވެ.

🇮🇷🇰🇼 -

ފެނާއި ކަރަންޓު މަރުކަޒުތަކަށް ގެއްލުންވުން:ކުވެއިތުގެ ފެނާއި ކަރަންޓު އުފައްދާ ދެ މަރުކަޒަކަށް އީރާނުގެ ޑްރޯން ހަމަލާތަކެއް އަމާޒުވެ، އިންފްރާސްޓްރަކްޗަރަށް ބޮޑެތި ގެއްލުންތަކެއް ލިބިފައިވާ ކަމަށް އެ ގައުމުގެ މިނިސްޓްރީ އޮފް އިލެކްޓްރިސިޓީން ބުނެއެވެ. މީގެ ސަބަބުން ކަރަންޓު އުފައްދާ ދެ ޔުނިޓެއް ވަނީ ހުއްޓާލަން ޖެހިފައެވެ.

🇮🇷🇰🇼 -

އެމެރިކާގެ އަސްކަރީ މަރުކަޒަށް ހަމަލާދިނުން:ކުވެއިތުގައި ހުންނަ އެމެރިކާގެ އަސްކަރީ މަރުކަޒެއް ކަމަށްވާ 'ކޭމްޕް ބުއެހްރިންގް' އަށް އީރާނުން ދިން ޑްރޯން ހަމަލާތަކެއްގައި އެ މަރުކަޒުގެ އެކި ސަރަހައްދުތަކުގައި އަލިފާން ރޯވެފައިވާކަން ނާސާގެ ސެޓެލައިޓް ފޮޓޯތަކުން ކަށަވަރުވެއެވެ.

🇺🇸🇮🇷 -

އެމެރިކާގެ ޕައިލެޓް ސަލާމަތްކުރުން:ހުކުރު ދުވަހު އީރާނުން ވައްޓާލި އެމެރިކާގެ F-15E ބޯޓުގެ ދެވަނަ ޕައިލެޓް، ނުރައްކާތެރި އަދި ކާމިޔާބު އޮޕަރޭޝަނަކަށްފަހު ސަލާމަތްކޮށްފައިވާ ކަމަށް ފޮކްސް ނިއުސްއިން ރިޕޯޓްކޮށްފިއެވެ.