30 މާރިޗު، އީރާނު ހަނގުރާމައިގެ ޚުލާސާ / 31 ވަނަ ދުވަސް:

🇱🇧🇮🇱 -

ރޭ ހިޒްބުالله އާ ދެމެދު ހިނގި ވަރުގަދަ ކުރިމަތިލުންތަކުގައި އިސްރާއީލު ސިފައިންގެ 6 މީހަކު ވަރަށް ބޮޑަށް ޒަޚަމްވެފައިވާ ކަމަށް އިސްރާއީލުން ހާމަކޮއްފައިވެއެވެ.

🇮🇷🇮🇱 -

އިސްރާއީލުގެ ހައިފާ ސިޓީއަށާއި އެ ސިޓީގެ ވަށައިގެންވާ ރަށްތަކަށް އީރާނުން ދިން ހަމަލާތަކުގެ ތެރެއިން ޖުމްލަ 6 ހަމަލާއެއް ވަނީ އަމާޒުވެފައެވެ. މި ހަމަލާތައް އަމާޒުވެފައިވަނީ ހައިފާ ބަނދަރަށާއި، ހައިފާގައި ހުންނަ ތެޔޮ ސާފުކުރާ ކާރުޚާނާގެ ތެޔޮ ރައްކާކުރާ ޓޭންކަކަށެވެ.

🇺🇸🇮🇷 -

އެކްސިއޯސްއިން ރިޕޯޓްކުރާ ގޮތުގައި، އީރާނު ހަނގުރާމައަށާއި އިމިގްރޭޝަން ހަރުދަނާކުރުމަށް ބޭނުންވާ 200 ބިލިއަން ޑޮލަރު ހޯދުމަށްޓަކައި، އެމެރިކާގެ ސިއްހީ ދާއިރާގެ ޚަރަދުތައް ކުޑަކުރުމަށް ރިޕަބްލިކަން ޕާޓީން ދަނީ ވިސްނަމުންނެވެ.

🇺🇸🇮🇷🇮🇱⚡️ -

އެމެރިކާއިން ބަންކަރ ބަސްޓަރ (ބިމުގެ އަޑީގައި ހުންނަ ތަންތަން ހަލާކުކޮށްލާ ބޮން) ބޭނުންކޮށްގެން އީރާނުގެ އިސްފަހާނަށް ވަރުގަދަ ހަމަލާތަކެއް ދީފިއެވެ.

🇺🇳🇱🇧🇮🇱 -

ލުބުނާނުގެ ދެކުނުގައި އޮންނަ ބަނީ ޙައްޔާން ކައިރީގައި އދ. ގެ އުޅަނދެއް ގޮވުމުގެ ސަބަބުން، ޔުނިފިލް (UNIFIL) ގެ އިތުރު ދެ ސިފައިން މަރުވެފައިވާ ކަމަށް އިއުލާންކޮށްފިއެވެ.

🇵🇸🇮🇱 -

ފަލަސްތީނުގެ އަސީރުންނަށް މަރުގެ އަދަބު ދިނުމަށް ހުއްދަދޭ މައްސަލަ ބޮޑުވެފައިވާ ގާނޫނު އިސްރާއީލުގެ ކްނެސެޓުން ވަނީ ފާސްކޮށްފައެވެ. މި ގާނޫނު ފާސްވީ 62 މީހުންގެ ތާއީދާއެކުގައެވެ.

🇱🇧🇮🇱 -

އިސްރާއީލުގެ މީޑިއާތަކުން ބުނާ ގޮތުގައި، ލުބުނާނުގެ ދެކުނުގައި ޒަޚަމްވި ސިފައިން އުފުލުމަށް އިސްރާއީލުގެ 8 ހެލިކޮޕްޓަރު ވަނީ ހަރަކާތްތެރިވެފައެވެ.

🇺🇸🛢 -

އެމެރިކާގެ ފްލޮރިޑާގައި ޕެޓްރޯލް ލީޓަރެއްގެ އަގު 4.29 ޑޮލަރަށް އުފުލިފައިވާއިރު، މުޅި އެމެރިކާގައި ތެލުގެ އަގު ގާތްގަނޑަކަށް 4 ޑޮލަރަށް އަރާނެ ކަމަށް ބެލެވެއެވެ.

🇮🇷🇦🇪 -

ޔޫ.އޭ.އީގެ ޝާރްޖާގައި ހުންނަ "ޘުރަޔާ ޓެލެކޮމިއުނިކޭޝަންސް" އިމާރާތަށް ޑްރޯން ހަމަލާއެއް ވަނީ އަމާޒުވެފައެވެ.

🇮🇷🇾🇪 -

ބްލޫމްބާގުން ރިޕޯޓްކުރާ ގޮތުގައި، ރަތްކަނޑުން ދަތުރުކުރާ އުޅަނދުފަހަރަށް ހަމަލާދިނުން އަލުން ފެށުމަށް އީރާނުން ދަނީ ހޫޘީންނަށް ބާރުއަޅަމުންނެވެ.

🇺🇸🇮🇷🇮🇱 -

އިސްރާއީލުގެ ޗެނަލް 11 އިން ބުނާ ގޮތުގައި، އީރާނުގެ ތެރެއަށް އެމެރިކާއިން އެއްގަމު ސިފައިން ފޮނުވުމުގެ ފުރުސަތަކަށް ތައްޔާރުވުމަށްޓަކައި، އިސްރާއީލުގެ އަސްކަރިއްޔާއިން ދަނީ ވޮޝިންގޓަނަށް ބޭނުންވާ ޖާސޫސީ މައުލޫމާތުތައް ފޯރުކޮށްދެމުންނެވެ.

🇮🇷🇦🇪 -

ދުބާއީގެ ހުޅަނގު އުތުރުން 31 މޭލު ދުރުގައި އޮތް ތެޔޮ އުފުލާ އުޅަނދަކަށް ހަމަލާއެއް އަރައި، އެ ބޯޓުގައި ވަނީ އަލިފާން ރޯވެފައެވެ.

🇱🇧🇮🇱 -

އަލްޖަޒީރާއަށް އިސްރާއީލުގެ މަސްދަރުތަކުން މައުލޫމާތު ދީފައިވާ ގޮތުގައި، ވޭތުވެދިޔަ މަދު ގަޑިއިރުތަކެއްގެ ތެރޭގައި ލުބުނާނުގެ ދެކުނުގައި ހިޒްބުالله އާ ދެމެދު ހިނގި ކުރިމަތިލުންތަކެއްގައި އިސްރާއީލު ސިފައިންގެ ބައެއް މީހުން މަރުވެ، ގިނަ ބަޔަކު ވަނީ ޒަޚަމްވެފައެވެ.

🇺🇸🛢 -

ދުބާއީ ކައިރިން ކުވެއިތުގެ ތެޔޮ ބޯޓަކަށް އީރާނުން ދިން ހަމަލާއާ ގުޅިގެން، ދުނިޔޭގެ ބާޒާރުގައި ތެލުގެ އަގު 6 އިންސައްތަ އުފުލި، ފީފާއެއްގެ އަގު 106 ޑޮލަރަށް ވަނީ އަރާފައެވެ.

🇺🇸🇸🇦🇮🇷 -

އޭ.ޕީ އިން ރިޕޯޓްކުރާ ގޮތުގައި، ސައުދީ އަރަބިއްޔާ، ޔޫ.އޭ.އީ، ކުވެއިތު އަދި ބަހްރޭނުން ވަނީ އީރާނުގެ ލީޑަޝިޕަށް ބޮޑު ބަދަލެއް ނާންނަނީސް މި ހަނގުރާމަ ހުއްޓާލަން ބޭނުންނުވާ ކަމަށް އެމެރިކާއަށް އަންގާފައެވެ.

🇺🇸🇮🇷 -

ވޯލް ސްޓްރީޓް ޖާނަލްއިން ބުނާ ގޮތުގައި، ހޮރްމޫޒް ކަނޑުއޮޅި ބަންދުކޮށްފައި އޮތް ނަމަވެސް، އީރާނާ ދެކޮޅަށް ކުރާ އަސްކަރީ ހަރަކާތްތައް ހުއްޓާލުމަށް  ޓްރަމްޕް ހުރީ ތައްޔާރަށެވެ.