28 މާރިޗު، އީރާނު ހަނގުރާމަ / 29 ވަނަ ދުވަހުގެ ޚުލާސާ:

🇮🇷🇹🇭 -

ހޯރްމޫޒް ކަނޑުއޮޅިން ދަތުރުކުރުން:ހޯރްމޫޒް ކަނޑުއޮޅިން ތައިލެންޑުގެ އުޅަނދުފަހަރަށް ދަތުރުކުރެވޭނެ އިންތިޒާމެއް ހަމަޖެއްސުމަށްޓަކައި، ތައިލެންޑުން އީރާނާއެކު އެއްބަސްވުމަކަށް އަތުވެއްޖެއެވެ.

🇱🇧🇮🇱 -

އިސްރާއީލު ސިފައިން ޒަޚަމްވުން:ވޭތުވެދިޔަ 24 ގަޑިއިރުގެ ތެރޭގައި ހިޒްބުالله އާއެކު ހިނގި ކުރިމަތިލުންތަކުގައި، އިސްރާއީލް އަސްކަރިއްޔާގެ ނުވަ ސިފައިންނަށް ބޮޑެތި އަނިޔާތަކެއް ލިބިފައިވާކަން އިސްރާއީލުން ހާމަކޮށްފިއެވެ.

🇺🇸🇾🇪🇮🇱 -

ހޫތީން ހަނގުރާމައިގައި ބައިވެރިވުން:ޔަމަނުގެ އަންސާރުﷲ (ހޫތީ) ޖަމާއަތުން އީރާނުގެ ކޮޅަށް އަރައި، ރަސްމީކޮށް ހަނގުރާމައިގެ ތެރެއަށް ވަދެފައިވާކަން އިއުލާނުކޮށްފިއެވެ.

🇮🇷🇰🇼 -

ކުވެއިތު އެއަރޕޯޓަށް ހަމަލާދިނުން:ކުވެއިތުގެ ބައިނަލްއަގުވާމީ އެއަރޕޯޓަށް އަމާޒުކޮށް ގިނަ އަދަދެއްގެ ޑްރޯން ހަމަލާތަކެއް ދީފައިވާ ކަމަށާއި، މީގެ ސަބަބުން އެއަރޕޯޓުގެ ރޭޑާ ނިޒާމަށް ބޮޑެތި ގެއްލުންތަކެއް ލިބިފައިވާ ކަމަށް އެ ގައުމުގެ ސިވިލް އޭވިއޭޝަނުން ބުނެފިއެވެ.

🇺🇸🇮🇷🇸🇦 -

އެމެރިކާ ސިފައިންނާއި އަސްކަރީ މަތިންދާބޯޓުތަކަށް ގެއްލުންވުން:ވޭތުވެދިޔަ ހަފުތާގެ ތެރޭގައި އީރާނުން ދިން ހަމަލާތަކުގައި އެމެރިކާގެ 20 އަށްވުރެ ގިނަ ސިފައިން ޒަޚަމްވެފައިވާ ކަމަށް އޭ.ޕީ އިން ރިޕޯޓްކުރެއެވެ. މީގެ ތެރޭގައި ހުކުރު ދުވަހު ޕްރިންސް ސުލްތާން އެއަރ ބޭސްއަށް ދިން ހަމަލާގައި ޒަޚަމްވި 15 ސިފައިން ހިމެނެއެވެ. މި ހަމަލާގައި ތެޔޮ އަޅައިދޭ ބޯޓުތަކުގެ އިތުރުން 'E-3 Sentry AWACS' މަރުކާގެ ޖާސޫސީ މަތިންދާބޯޓަކަށް ވެސް ވަނީ ބޮޑެތި ގެއްލުންތަކެއް ލިބިފައެވެ.

🇮🇷🇮🇱 -

މިސައިލް ދިފާއީ ނިޒާމުގެ ދަތިކަން:ވޯލް ސްޓްރީޓް ޖާނަލްއިން ބުނާ ގޮތުގައި، ހަނގުރާމައަށް ހަތަރު ހަފުތާ ވެފައިވާއިރު، އީރާނުން ހުއްޓުމެއްނެތި ދެމުންގެންދާ ހަމަލާތަކުން ސަލާމަތްވުމަށް ބޭނުންކުރާ ދިފާއީ މިސައިލްތައް ހުސްވެދާނެތީ، އިސްރާއީލުން މިހާރު އެ ތަކެތި ބޭނުންކުރަމުން ދަނީ ވަރަށް ބަލައިގެން އިގްތިސާދު ކޮށްގެންނެވެ.

🇱🇧🇮🇱 -

ނޫސްވެރިން އަވަހާރަކޮށްލުން:ލުބުނާނުގެ ދެކުނަށް އިސްރާއީލުން ދިން ހަމަލާތަކެއްގައި، އަލް-މަނާރުގެ ނޫސްވެރިއެއް ކަމަށްވާ އަލީ ޝާއިބް އަދި އަލް-މަޔާދީންގެ ނޫސްވެރިއެއް ކަމަށްވާ ފާތިމާ ފައްތޫނީ ވަނީ އަވަހާރަކޮށްލާފައެވެ. ފޮޓޯތަކުން ހާމަވާ ގޮތުގައި މިއީ އޮޅުމަކުން ދެވުނު ހަމަލާއެއް ނޫން ކަމަށާއި، މިއީ ސީދާ އެ ދެ ނޫސްވެރިންނަށް އަމާޒުކޮށް ދިން ހަމަލާއެކެވެ.

🇺🇸🇮🇷🇮🇱 -

އީރާނަށް ދޭ ހަމަލާތައް:އީރާނުގެ ވެރިރަށް ތެހެރާނަށާއި ހުޅަނގުގެ ސަރަހައްދުތަކަށް އެމެރިކާއާއި އިސްރާއީލުން ދެމުންގެންދާ ހަމަލާތައް އަދިވެސް ދަނީ ކުރިއަށެވެ.

🇮🇷🇦🇪 -

ޔޫ.އޭ.އީ އަށް ދިން ހަމަލާ:އަބޫދާބީގެ ޚަލީފާ އިކޮނޮމިކް ޒޯންގައި ހުންނަ 'އެމިރޭޓްސް ގްލޯބަލް އެލުމިނިއަމް' ގެ އެންމެ ބޮޑު ކާރުޚާނާއަށް އީރާނުން ދިން މިސައިލް ހަމަލާއެއްގައި ބޮޑެތި ގެއްލުންތަކެއް ލިބިފައިވާ ކަމަށް އެ ކުންފުނިން ރިޕޯޓްކޮށްފިއެވެ.

🇺🇸🇮🇷 -

އެމެރިކާގެ ޔުނިވަރސިޓީތަކަށް އިންޒާރުދިނުން:މެދުއިރުމަތީގައި ހުރި އެމެރިކާގެ ޔުނިވަރސިޓީތަކަށް ހަމަލާދޭނެ ކަމަށް އީރާނުގެ ރިވޮލިއުޝަނަރީ ގާޑްސްއިން އިންޒާރު ދީފިއެވެ.

🇺🇸🇮🇷 -

އެއްގަމު މަގުން ހަނގުރާމައަށް ތައްޔާރުވުން:ވޮޝިންގޓަން ޕޯސްޓުން ރިޕޯޓްކުރާ ގޮތުގައި، ރައީސް ޓްރަމްޕް ހަނގުރާމަ ފުޅާކުރަން ނިންމަވައިފި ހާލަތެއްގައި، އީރާނުގެ އެތެރޭގައި އެތައް ހަފުތާއަކަށް ދެމިގެންދާނެ އެއްގަމު މަގުގެ އަސްކަރީ އޮޕަރޭޝަންތަކަކަށް ޕެންޓަގަނުން ދަނީ ތައްޔާރުވަމުންނެވެ.