އީރާން ހަނގުރާމަ / މާރިޗު 6، ހަތްވަނަ(7) ދުވަހުގެ ޚުލާސާ

🇺🇸🇮🇷🇮🇱 –

🇺🇸🇮🇶⚡️ – އެމެރިކާ އަދި އިރާގު:

އިރާގުގެ ދެކުނުގައި އެމެރިކާގެ އަޕާޗޭ ހެލިކޮޕްޓަރުތަކާއި އިރާގުގެ ޕީ.އެމް.އެފް (PMF) ހަނގުރާމަވެރިންނާ ދެމެދު ވަރުގަދަ ކުރިމަތިލުންތަކެއް ހިނގާފައިވެއެވެ.

🇺🇸🇮🇶🇮🇷⚡️ – އެމެރިކާ، އިރާގު އަދި އީރާން:

އެމެރިކާގެ ވިކްޓޯރިއާ ބޭސްއަށް ޑްރޯން ބޭނުންކޮށްގެން ސީދާ ހަމަލާތަކެއް ދީފައިވެއެވެ.

🇺🇸🇮🇶⚡️ – އެމެރިކާ އަދި އިރާގު:

އިރާގުގެ ބަޞަރާގައި ހުންނަ އެމެރިކާގެ ލޮޖިސްޓިކް ކުންފުންޏެއް ކަމަށްވާ ކޭ.ބީ.އާރް (KBR) އަށް ޑްރޯން ހަމަލާތަކެއް އަމާޒުކޮއްފައިވެއެވެ.

🇺🇸🇮🇷🇦🇪⚡️ – އެމެރިކާ، އީރާން އަދި ޔޫ.އޭ.އީ:

ޔޫއޭއީގައި ގާއިމުކޮށްފައިވާ ޕެޓްރިއަޓް (Patriot) މިސައިލް ނިޒާމަށް އީރާނުގެ މިސައިލް ހަމަލާއެއް އަރައިފައިވެއެވެ.

🇮🇷🇮🇶⚡️ – އީރާން އަދި އިރާގު:

އިރާގުގެ ކުރުދިސްތާނުގެ އަރުބީލްގައި ހުންނަ 'އަރުޖާން ބައި ރޮޓާނާ' ހޮޓަލަށް ޑްރޯން ހަމަލާތަކެއް ދީފައިވެއެވެ.

🇺🇸🇮🇷⚡️ – އެމެރިކާ އަދި އީރާން:

އެމެރިކާގެ މަތިންދާބޯޓު އުފުލާ މަނަވަރު 'ޖެރަލްޑް އާރް. ފޯޑް' ސުއޭޒް ކެނަލް ހުރަސްކޮށް ރަތްކަނޑަށް ވަދެއްޖެއެވެ.

🇺🇸🇮🇷🇮🇱⚡️ – އެމެރިކާ، އީރާން އަދި އިސްރާއީލު:

އެމެރިކާ އާއި އިސްރާއީލުގެ ވައިގެ ހަމަލާތައް އީރާނުގެ ހުޅަނގު އުތުރުގެ ސައްގޭޒް ސިޓީއަށް އަމާޒުކޮށްފިއެވެ.

🇺🇸🇮🇷🇮🇱⚡️ – އެމެރިކާ، އީރާން އަދި އިސްރާއީލު:

އީރާނުގެ ވެރިރަށް ތެހެރާނަށް އެމެރިކާ އާއި އިސްރާއީލުން ދެމުންގެންދާ ވަރުގަދަ ވައިގެ ހަމަލާތައް މެދުނުކެނޑި ކުރިއަށް އެބަދެއެވެ.

🇮🇶🇮🇱⚡️ – އިރާގު އަދި އިސްރާއީލު:

އިރާގުގެ ނޭޝަނަލް ސެކިއުރިޓީ ސާވިސްއިން ވަނީ ޕޮލެންޑް ޕާސްޕޯޓް ގެންގުޅޭ އިސްރާއީލުގެ ފަސް މީހުން ހިމެނޭ ޖާސޫސީ ގްރޫޕެއް ހައްޔަރުކޮށްފައެވެ.

🇺🇸🇷🇺⚡️ – އެމެރިކާ އަދި ރަޝިޔާ:

ހޯރްމޫޒް ކަނޑުއޮޅި ބަންދުވުމާ ގުޅިގެން ކުރިމަތިވެފައިވާ އިގްތިސާދީ ދަތިތަކަށް ލުޔެއް ހޯދުމުގެ ގޮތުން، ރަޝިޔާގެ ތެލަށް އަޅާފައިވާ ބައެއް ދަތިކުރުމުގެ ފިޔަވަޅުތައް އުވާލުމަށް އެމެރިކާއިން ދަނީ ވިސްނަމުންނެވެ.

🇺🇸🇯🇴⚡️ – އެމެރިކާ އަދި އުރުދުން:

އުރުދުންގައި އީރާނުގެ ޑްރޯންތަކުން ހަލާކުކޮށްލި ތާޑް (THAAD) ރާޑަރު ނިޒާމު އަލުން ގާއިމުކުރުމުގެ މަސައްކަތް އެމެރިކާއިން އަވަސްކޮށްފައިވާ ކަމަށް ވޯލްސްޓްރީޓް ޖާނަލްއިން ރިޕޯޓްކޮއްފައިވެއެވެ.

🇮🇷🇮🇱⚡️ – އީރާން އަދި އިސްރާއީލު:

ތެހެރާނަށް އިސްރާއީލުން މިއަދު ދިން ހަމަލާތަކުގައި އީރާނުގެ އިސް ދީނީ އިލްމުވެރިއެއް އަދި ޑެޕިއުޓީ ޗީފް އޮފް ސްޓާފް އަލީ އަސްގަރް ހިޖާޒީ މަރާލާފައިވާ ކަމަށް އިސްރާއީލުގެ ޗެނަލް 12 އިން ބުނެފިއެވެ.

🇺🇸🇮🇷⚡️ – އެމެރިކާ އަދި އީރާން:

އީރާނަށް އެމެރިކާގެ އެއްގަމު ސިފައިން ފޮނުވުމާ މެދު ޓްރަމްޕް ސީރިއަސްކޮށް ވިސްނަވަމުންދާ ކަމަށް އެން.ބީ.ސީ ނިއުސްއިން ރިޕޯޓްކޮށްފައިވެއެވެ.

🇱🇧🇮🇱⚡️ – ލުުބުނާން އަދި އިސްރާއީލު:

ލުބުނާނުގެ އިރުމަތީ ބިގާ ވާދީއަށް އިސްރާއީލު ސިފައިން ދޭން އުޅުނު ވަރުގަދަ ހަމަލާއެއް ހިޒްބުاللهގެ ރަޟްވާން ފޯސްއިން ހުއްޓުވައިފިއެވެ. މީގެ ސަބަބުން އިސްރާއީލު ސިފައިންނަށް ވަނީ ފަހަތަށް ޖެހެން މަޖުބޫރުވެފައެވެ.

🇱🇧🇮🇱⚡️ – ލުބުނާން އަދި އިސްރާއީލު:

ލުބުނާނުގެ ދެކުނުގެ ޚިޔާމް ސަރަހައްދުގައި ހިޒްބުالله އާއި އިސްރާއީލު ސިފައިންގެ މެދުގައި ވަރުގަދަ ކުރިމަތިލުންތަކެއް ހިނގާފައިވެއެވެ.

🇺🇸🇮🇱⚡️ – އެމެރިކާ އަދި އިސްރާއީލު:

އިސްރާއީލަށް 151.8 މިލިއަން ޑޮލަރުގެ އަގުހުރި 12,000 ބޮން (BLU-110) ވިއްކުމަށް އެމެރިކާގެ ސްޓޭޓް ޑިޕާޓްމަންޓުން ހުއްދަ ދީފިއެވެ.

🇺🇸🇮🇷🇷🇺⚡️ – އެމެރިކާ، އީރާން އަދި ރަޝިޔާ:

މެދުއިރުމަތީގައި ހުރި އެމެރިކާގެ އަސްކަރީ މަރުކަޒުތަކަށް ހަމަލާދޭނެ ތަންތަނުގެ ޖާސޫސީ މައުލޫމާތު ރަޝިޔާއިން އީރާނަށް ފޯރުކޮށްދެމުންދާ ކަމަށް އެމެރިކާގެ އޮފިޝަލަކު ވޮޝިންޓަން ޕޯސްޓަށް މައުލޫމާތު ދީފިއެވެ.

🇺🇸⚡️ – އެމެރިކާ:

އީރާނުގެ ހަމަލާތަކުގައި އެމެރިކާގެ 8 ތާޑް (THAAD) ނިޒާމުގެ ތެރެއިން މަދުވެގެން 3 ނިޒާމަކަށް ބޮޑެތި ގެއްލުންތަކެއް ލިބި ނުވަތަ ހަލާކުވެފައިވާ ކަމަށް ރިޕޯޓްތައް ބުނެއެވެ.

🇱🇧🇮🇱⚡️ – ލުބުނާން އަދި އިސްރާއީލު:

ލުބުނާން ބޯޑަރު ކައިރީގައި ހިނގި ބަޑީގެ ހަމަލާތަކެއްގައި އިސްރާއީލުގެ ގިވަތީ ބްރިގޭޑްގެ 5 ސިފައިންނަށް މިއަދު ވަރަށް ބޮޑަށް އަނިޔާވެއްޖެއެވެ.

🇱🇧🇮🇱⚡️ – ލުބުނާން އަދި އިސްރާއީލު:

ލުބުނާން ބޯޑަރުގައި ހިނގި އަސްކަރީ ހަރަކާތްތަކެއްގެ ތެރޭގައި އިސްރާއީލުގެ ފިނޭންސް މިނިސްޓަރު ބެޒަލްއެލް ސްމޮޓްރިޗްގެ ދަރިއަކަށް އަނިޔާވެފައިވާ ކަމަށް އިސްރާއީލުގެ ޗެނަލް 12 އިން ރިޕޯޓްކޮށްފައިވެއެވެ.

🇮🇷🇦🇿⚡️ – އީރާން އަދި އަޒަރުބައިޖާން:

އީރާނުގެ އުތުރުގައި، އަޒަރުބައިޖާން ބޯޑަރު ކައިރީގައިވާ އަރްދަބީލްގައި އީރާނު ސިފައިން ތައްޔާރީ ހާލަތަކަށް ގެނެސްފިއެވެ.

🇮🇷⚡️ – އީރާން:

ހޯރްމޫޒް ކަނޑުއޮޅިން ދަތުރުކުރި ޓަގު ބޯޓަކަށް އީރާނުން ހަމަލާދިނުމާ ގުޅިގެން، އެ ސަރަހައްދުގެ ކަނޑުދަތުރުފަތުރުގެ 90 އިންސައްތަ ވަނީ ހުއްޓިފައެވެ.

🛢⚡️ – ތެޔޮ: ބްރެންޓް ކްރޫޑް ތެލުގެ އަގު ފީފާއަކަށް 90 ޑޮލަރަށް ވުރެ މައްޗަށް އަރައިފިއެވެ.