އީރާނު ހަނގުރާމަ: 4 ވަނަ ދުވަހުގެ ޚުލާސާ - މާރިޗު 3

🇮🇷 އީރާނު:

އީރާނުގެ "ލީޑަރޝިޕް އެކްސްޕަރޓްސް ކައުންސިލް" އިން، އެޤައުމުގެ އެންމެ މަތީ ވެރިޔާ ޢަލީ ޚާމަނާއީގެ ދަރިކަލުން މުޖުތަބާ ޚާމަނާއީ، އީރާނުގެ ދެން އަންނަން އޮތް އެންމެ މަތީ ވެރިޔާގެ މަޤާމަށް އިންތިޚާބުކޮށްފައިވާ ކަމަށް އީރާނުގެ އިދިކޮޅު މީޑިއާއެއް ކަމަށްވާ "އީރާން އިންޓަރނޭޝަނަލް" އިން ރިޕޯޓްކޮށްފިއެވެ.

🇺🇸 🇮🇶 🇮🇷 އެމެރިކާ / ޢިރާޤު / އީރާނު:

ރައީސް ޓްރަމްޕް ކުރުދީ ލީޑަރުންނާއެކު މަޝްވަރާ ކުރަމުން ދާ ކަމަށާއި، އީރާނުގެ މިހާރުގެ ސަރުކާރާ ދެކޮޅަށް ހަތިޔާރު އުފުލާނެ ފަރާތްތަކަށް އެހީތެރިކަން ފޯރުކޮށްދިނުމަށް ތައްޔާރަށް ހުރިކަމަށް މަޢުލޫމާތު ލިބެއެވެ.

🇶🇦 🇮🇱 ޤަޠަރު / އިސްރާއީލު:

އިސްރާއީލުގެ "ޗެނަލް 12" އިން ޤަޠަރުން އީރާނަށް ހަމަލާތަކެއް ދިން ކަމަށް ބުނި ނަމަވެސް، ޤަޠަރުން ވަނީ އެކަން ދޮގުކޮށްފައެވެ.

🇺🇸 🇸🇦 🇮🇷 އެމެރިކާ / ސައުދީ އަރަބިއްޔާ / އީރާނު:

ޖެހިޖެހިގެން ދެވަނަ ދުވަހުވެސް ރިޔާޟްގައި ހުންނަ އެމެރިކާ އެމްބަސީއަށް އީރާނުން ހަމަލާދީފައިވާއިރު، ސައުދީގައި ހުންނަ ސީ.އައި.އޭ (CIA) ގެ މައި މަރުކަޒަށްވެސް ބޮން އަޅާފައިވެއެވެ.

🇸🇦 🇦🇪 ސައުދީ އަރަބިއްޔާ / ޔޫ.އޭ.އީ:

އީރާނުން އެ ޤައުމުތަކުގެ ސިޓީތަކަށް ދެމުންދާ ހަމަލާތަކުގެ ބަދަލުހިފުމުގެ ގޮތުން، ސައުދީ އަރަބިއްޔާ އާއި ޔޫ.އޭ.އީ އިން އީރާނަށް ހަމަލާ ދިނުމަށް ދަނީ ވިސްނަމުންނެވެ.

🇺🇸 🇮🇷 🇦🇪 އެމެރިކާ / އީރާނު / ޔޫ.އޭ.އީ:

އަބޫދާބީގައި ހުންނަ އެމެރިކާގެ ކޮންސިއުލޭޓަށް އީރާނުން 'ސުއިސައިޑް ޑްރޯން' ބޭނުންކޮށްގެން ހަމަލާ ދީފައިވެއެވެ..

🇺🇸 🇮🇱 🇮🇷 ⚡️ އެމެރިކާ / އިސްރާއީލު / އީރާނު:

އެމެރިކާ އާއި އިސްރާއީލު ގުޅިގެން ދިން ހަމަލާތަކުގައި ބީ-2 ބޮމާރ (B-2 Bombers) ބޭނުންކޮށްފައިވެއެވެ.

🇱🇧 ލުބުނާން:

ޙިޒްބުﷲ އިން އިސްރާއީލަށް ދެމުންދާ ހަމަލާތައް ވަރުގަދަކޮށް، "12 ދުވަހުގެ ހަނގުރާމަ" އެކޭ އެއްގޮތަށް ރޮކެޓް ހަމަލާތައް ދޭން ފަށައިފިއެވެ.

🇺🇸 🇱🇧 އެމެރިކާ / ލުބުނާން:

ބައިރޫތުގައި ހުންނަ އެމެރިކާގެ އެމްބަސީ ވަގުތީ ގޮތުން ވަނީ ބަންދުކޮށްފައެވެ.

🇱🇧 🇮🇱 ލުބުނާން / އިސްރާއީލު:

ޙިޒްބުﷲ އިން ހަނގުރާމައިގައި ބައިވެރިވުމާ ގުޅިގެން، ރައްކާތެރި ސަރަޙައްދެއް (buffer zone) އުފެއްދުމަށްޓަކައި އިސްރާއީލުން ލުބުނާނުގެ ދެކުނަށް އެއްގަމު މަގުން އެރުމަށް ދަނީ ތައްޔާރުވަމުންނެވެ. އިސްރާއީލުގެ އަސްކަރިއްޔާއިން ވަނީ ލުބުނާނުގެ ދެކުނުގެ 80 ރަށެއް ހުސްކުރުމަށް އަމުރުކޮށްފައެވެ. އަދި ލުބުނާނުގެ އަސްކަރިއްޔާ ވަނީ ބޯޑަރުގެ ބައެއް ސަރަޙައްދުތަކުން ފަހަތަށް ޖެހިފައެވެ.

🇺🇸 އެމެރިކާ:

އީރާނުގެ އެންމެ މަތީ ވެރިޔާ ޚާމަނާއީ މަރާލުމަށް ސީ.އައި.އޭ (CIA) އަށް އެހީތެރިވެދިން 'އިންސައިޑް ސޯސް' އެއް ހުރި ކަމަށް ފައިނޭންޝަލް ޓައިމްސް އިން ރިޕޯޓްކޮށްފައިވެއެވެ.

🇺🇸 ޓްރަމްޕްގެ ބަޔާން:

"އެމީހުންގެ (އީރާނުގެ) ވައިގެ ދިފާޢީ ނިޒާމާއި، ވައިގެ ސިފައިންނާއި، ކަނޑުގެ ސިފައިން އަދި ލީޑަރޝިޕް މިހާރު ވަނީ ނެތިގޮސްފައި. އެމީހުން ބޭނުންވަނީ ވާހަކަދައްކަން. އަހަރެން ބުނިން، މާ ލަސްވެއްޖެއޭ!"

🇺🇸 🇪🇸 އެމެރިކާ / ސްޕެއިން:

ހަނގުރާމައާ މެދު ސްޕެއިނުން ގެންގުޅޭ ނޭދެވޭ ސިޔާސަތުތަކާއި، އެމެރިކާގެ އަސްކަރީ މަރުކަޒުތައް ބޭނުންކުރުން ސްޕެއިނުން ހުއްދަ ނުދިނުމުގެ ސަބަބުން، އެ ޤައުމާއެކު ކުރާ ހުރިހާ ވިޔަފާރިއެއް ހުއްޓާލުމަށް ޓްރަމްޕް ނިންމައިފިއެވެ.

🇸🇦 🇦🇪 🇶🇦 🇴🇲 ޚަލީޖުގެ ޤައުމުތައް:

އީރާނުން ދަނީ ޚަލީޖުގެ ޤައުމުތަކުގެ ތެޔޮ އުފައްދާ މަރުކަޒުތަކަށް ހަމަލާދެމުންނެވެ. މީގެ ތެރޭގައި އޮމާންގެ ތެޔޮ ރައްކާކުރާ މަރުކަޒަކަށް ދިން ފުރަތަމަ ބޮޑު ހަމަލާ ހިމެނެއެވެ. މީގެ ބޭނުމަކީ ހޯރްމޫޒް ކަނޑުއޮޅި (Strait of Hormuz) އެއްކޮށް ބަންދުކުރުމެވެ.

🇨🇾 🇬🇧 ސައިޕްރަސް / އިނގިރޭސިވިލާތް:

ސައިޕްރަސްގައި ހުންނަ އިނގިރޭސި އަސްކަރީ މަރުކަޒަށް މެދުނުކެނޑި ޑްރޯން ހަމަލާތައް ލިބެމުންދާތީ، ދިފާޢީ ކަންކަން ވަރުގަދަކުރުމަށް އިނގިރޭސިވިލާތުން އިތުރު ވަސީލަތްތަކާއި އަސްކަރީ މަނަވަރެއް ފޮނުވައިފިއެވެ.

🇬🇧 🇯🇴 🇮🇷 އިނގިރޭސިވިލާތް / އުރުދުން / އީރާނު:

ޕާޝިއަން ގަލްފް، ޢިރާޤު އަދި އުރުދުންގެ ވައިގެ ސަރަޙައްދުން އީރާނުގެ މިސައިލްތަކާއި ޑްރޯންތައް ވައްޓާލުމުގައި އިނގިރޭސިވިލާތުން ބައިވެރިވަމުންދާ ކަމަށް އެ ޤައުމުގެ ޑިފެންސް މިނިސްޓްރީން ހާމަކޮށްފައިވެއެވެ.

🇮🇷 🇮🇱 އީރާނު / އިސްރާއީލު:

އިސްރާއީލުގެ މޮސާޑް (Mossad) އާއި ޚާއްޞަ ފައުޖުތަކުން ރޭގެ ވަގުތެއްގައި އީރާނުގެ އެތެރޭގައި އެއްގަމު އޮޕަރޭޝަނެއް ހިންގާފައިވާ ކަމަށް އަލް-ޢަރަބިއްޔާއިން ރިޕޯޓްކޮށްފައިވެއެވެ..

🇺🇸 🇰🇼 އެމެރިކާ / ކުވައިތު:

ވޯލް ސްޓްރީޓް ޖާނަލް އިން ރިޕޯޓްކުރާ ގޮތުގައި، މިދިޔަ އާދީއްތަ ދުވަހު އެމެރިކާގެ ތިން އެފް-15 (F-15) މަތިންދާބޯޓު ވެއްޓުނީ ކުވައިތުގެ އެފް/އޭ-18 (F/A-18) މަތިންދާބޯޓަކުން އޮޅުމަކުން ދެވުނު ހަމަލާއެއްގެ ސަބަބުންނެވެ.

🇮🇷 🇮🇶 ⚡️ އީރާނު / ޢިރާޤު:

އީރާނުން ދަނީ ޢިރާޤު ބޯޑަރު ކައިރީގައި ތިބި ކުރުދީ އިދިކޮޅު ޖަމާޢަތްތަކަށް ބޮޑެތި ހަމަލާތަކެއް ދެމުންނެވެ. އަދި އީރާނުގެ ރިވޮލިއުޝަނަރީ ގާޑްސް (IRGC) ގެ އެއްގަމު ސިފައިން ކުރުދީ ސިޓީއެއް ކަމަށްވާ މަރީވާން އަށް ވަނީ ޖަމާކޮށްފައެވެ.

🇺🇸 🇮🇶 ⚡️ އެމެރިކާ / ޢިރާޤު:

ޢިރާޤުގެ އުރުބިލްގައި ހުންނަ އެމެރިކާގެ އަސްކަރީ މަރުކަޒަށް 'ސުއިސައިޑް ޑްރޯން' އަކުން ސީދާ ހަމަލާއެއް ދީފައިވެއެވެ.

🇺🇸 ⚡️ އެމެރިކާ:

އީރާނުގެ މިސައިލް ހަމަލާތައް ފޯރާފާނެ ހުރިހާ ޤައުމުތަކުން މުވައްޒަފުން ހުސްކުރުމަށް ސީ.އައި.އޭ (CIA) އިން ވަނީ އަމުރުކޮށްފައެވެ.

🇱🇧 🇮🇱 ⚡️ ލުބުނާން / އިސްރާއީލު:

ޙިޒްބުﷲ އާއި އިސްރާއީލާ ދެމެދު ވަރުގަދަ ކުރިމަތިލުންތަކެއް ހިނގަމުންދާއިރު، އިސްރާއީލުގެ 5 މާކާވާ (MERKAVA) ޓޭންކަކަށް ހަމަލާދީފައިވާ ކަމަށް ޙިޒްބުﷲ އިން ބުނެއެވެ. އިސްރާއީލުން ވަނީ މަދުވެގެން އެއް ޓޭންކަށް ހަމަލާދިންކަން ކަށަވަރުކޮށްދީފައެވެ.

🇺🇸 🇮🇷 🇮🇶 ⚡️ އެމެރިކާ / އީރާނު / ޢިރާޤު:

ބަޣުދާދުގައި ހުންނަ އެމެރިކާގެ ވިކްޓޯރިއާ އެއަރފޯސް ބޭހަށް އީރާނުން ހަމަލާ ދީފައިވެއެވެ.

🇺🇸 🇮🇷 ⚡️ އެމެރިކާ / އީރާނު:

އީރާނުން 7 ޤައުމެއްގައި ހުރި 7 އަސްކަރީ މަރުކަޒަކަށް ހަމަލާދީ، އެތަންތަނުގެ އިމާރާތްތަކާއި، ރޭޑާ ސިސްޓަމްތަކާއި THAAD ދިފާޢީ ނިޒާމުތަކަށް ބޮޑެތި ގެއްލުންތަކެއް ދީފައިވާކަން ހާމަކޮށްދޭ ސެޓެލައިޓް ފޮޓޯތައް ނިއުޔޯކް ޓައިމްސް އިން ވަނީ އާންމުކޮށްފައެވެ.