އީރާން ހަނގުރާމަ 3 ވަނަ ދުވަސް

🇺🇸🇮🇷🇮🇱

ދެ ފަރާތުން ވެސް ހަމަލާތައް ބަދަލުކުރުން ކުރިއަށް ގެންދާއިރު، އީރާނުން ބޭނުންކުރާ ބެލިސްޓިކް މިސައިލްތަކުގެ އަދަދު ފާހަގަކުރެވޭ މިންވަރަކަށް ވަނީ މަދުވެފައެވެ. ނަމަވެސް ޑްރޯން ހަމަލާތައް އަދިވެސް ހުރީ އެއް މިންވަރެއްގައެވެ. ގަލްފުގެ ޤައުމުތަކަށް އީރާނުން ދެމުންދާ ހަމަލާތަކަށް ބަދަލެއް ނައި ނަމަވެސް، އެމެރިކާ އާއި އިސްރާއީލުން އީރާނަށް ދެމުންދާ ހަމަލާތަކުގެ ދުވެލި ވަނީ އެއްވަރެއްގައި ހިފެހެއްޓިފައި ނުވަތަ އިތުރުވެފައެވެ.

🇮🇷🇮🇱 -

ހަނގުރާމަ ފެށުނީއްސުރެ އިސްރާއީލުގައި 1584 ފަހަރު ނުރައްކަލުގެ ރަނގަބީލު (ރެޑް އެލާޓް) ވަނީ ޖަހާފައެވެ. މިއީ މީގެ ކުރިން ހިނގި 12 ދުވަހުގެ ހަނގުރާމައިގައި ޖެހި 1430 އެލާޓާ އަޅާބަލާއިރު އިތުރު އަދަދެކެވެ.

🇺🇸🇰🇼 -

ކުވައިތުން ވަނީ މި ހަނގުރާމައިގެ ފުރަތަމަ ވައިގެ ކުރިމަތިލުން ކާމިޔާބުކޮށްފައެވެ. އެއީ އޮޅުމަކުން އެމެރިކާގެ 3 F-15E މަތިންދާބޯޓު ވައްޓާލައިގެންނެވެ. މި ހާދިސާގައި ހުރިހާ ޕައިލެޓުން ވަނީ ސަލާމަތްވެފައެވެ.

🇮🇷 -

އީރާނުން ދަނީ ސްޓްރެއިޓް އޮފް ހޯރްމޫޒް ބަންދުކުރުމުގެ ކެމްޕޭން ކުރިއަށް ގެންދަމުންނެވެ. މިގޮތުން 6 ވަނަ އުޅަނދަށް ހަމަލާދީ، އެ ސަރަޙައްދުގެ ކަނޑުގެ ދަތުރުފަތުރު ވަނީ ގާތްގަނޑަކަށް ހުއްޓުމަކަށް ގެނެސްފައެވެ.

🇶🇦🇮🇷 -

ޤަޠަރުން އީރާނުގެ ދެ Su-24 ޓެކްޓިކަލް ބޮމާރ ވައްޓާލާފައިވާކަން އިޢުލާންކޮށްފިއެވެ. މިއީ އިސްރާއީލާއި އެމެރިކާ ފިޔަވައި އެހެން ޤައުމަކުން އީރާނާ ދެކޮޅަށް ދިން ފުރަތަމަ ހަމަލާއެވެ.

🇺🇸🇮🇷 -

ރައީސް ޓްރަމްޕާއި ޑިފެންސް ސެކްރެޓަރީ ޕީޓް ހެގްސެތު ބުނެފައިވަނީ އެމެރިކާގެ މަސްލަޙަތު ހިމާޔަތްކުރުމަށްޓަކައި ބޭނުންވެއްޖެ ނަމަ އީރާނަށް އެއްގަމު ސިފައިން ފޮނުވަން ޖެހިދާނެ ކަމަށާއި، އެކަމަށް ފަސްނުޖެހޭނެ ކަމަށެވެ.

🇺🇸🇰🇼🇸🇦 -

ސައުދީ އަރަބިއްޔާގެ ރިޔާޟްގައި ހުންނަ އެމެރިކާ އެމްބަސީއަށް އީރާނުގެ 4 ޑްރޯން ހަމަލާ، ކުވައިތުގައި ހުންނަ އެމްބަސީއަށް 2 ހަމަލާ، އަދި އުރުދުންގައި ހުންނަ އެމްބަސީއަށް 1 ހަމަލާ ވަނީ އަމާޒުވެފައެވެ.

🇧🇭 -

ބަޙްރޭންގައި ބޮޑެތި ހަމަނުޖެހުންތަކެއް ހިނގަމުންދާތީ، އެކަން ކޮންޓްރޯލް ކުރުމަށް އެހީތެރިވުމަށް ޖީ.ސީ.ސީ (GCC) ގެ ސިފައިން ވަނީ އެ ޤައުމަށް ފޮނުވާފައެވެ.

🇱🇧🇮🇷🇮🇱 -

އިސްރާއީލުން ލުބުނާނުގެ ދެކުނަށް ހަމަލާދީ، އީރާނުގައި ހުންނަ IRIB ޢިމާރާތަށް ބޮން އަޅާފައިވެއެވެ.

🇺🇸🇮🇷 -

މަރުވި އެމެރިކާ ސިފައިންގެ އަދަދު 6 އަށް އަރާފައިވާއިރު، 20 އަށްވުރެ ގިނަ މީހުން ވަނީ ސީރިއަސްކޮށް ޒަޚަމްވެފައެވެ.

🇺🇸🇮🇷 -

މަރުވި 6 ސިފައިންގެ ބަދަލު ހިފާނެ ކަމަށް ރައީސް ޓްރަމްޕް ވަނީ ވަޢުދުވެފައެވެ.

🇺🇸🇮🇷🇮🇱 -

މާކޯ ރޫބިއޯ ބުނީ އެމެރިކާއިން އިސްވެ ހަމަލާދިނީ އިސްރާއީލުން އީރާނަށް ހަމަލާދޭނެކަން އެނގޭތީ ކަމަށެވެ.

🇺🇸🇮🇷 -

އެމެރިކާގެ ސެންޓްރަލް ކޮމާންޑުން އީރާނުގެ މުޅި ނޭވީ ނުވަތަ ކަނޑުގެ ސިފައިންގެ ބާރުތައް މުޅިން ހަލާކުކޮށްލާފައިވާކަން އިޢުލާންކޮށްފިއެވެ.

🇺🇸🇮🇶 -

ޢިރާޤުގެ ހަނގުރާމަވެރި ޖަމާޢަތްތަކުން އެރްބީލްގައި ހުންނަ އެމެރިކާގެ އަސްކަރީ މަރުކަޒަކަށާއި، އެމެރިކާ ސިފައިން ތިބި ކަމަށް ބުނާ ހޮޓަލަކަށް ހަމަލާދީފިއެވެ.

🇺🇸🇮🇷 -

އީރާނުގެ ސުޕްރީމް ނޭޝަނަލް ސެކިއުރިޓީ ކައުންސިލްގެ ސެކްރެޓަރީ އަލީ ލަރީޖާނީ ބުނީ އީރާނުން އެމެރިކާއާއެކު އެއްވެސް މަޝްވަރާއެއް ނުކުރާނެ ކަމަށެވެ.

🇸🇦🇮🇷 -

އީރާނުގެ ޑްރޯން ހަމަލާތަކާ ގުޅިގެން ސައުދީ އަރަބިއްޔާގެ ރަސް ތަނޫރާ ރިފައިނަރީގެ ހުރިހާ މަސައްކަތެއް ވަގުތީ ގޮތުން ހުއްޓާލައިފިއެވެ.

ޖުމްލަގޮތެއްގައި އީރާނުން މިހާތަނަށް ހަމަލާދީފައިވާ ޤައުމުތަކާއި މަރުކަޒުތައް:

🇺🇸 - އެމެރިކާ

🇮🇱 - އިސްރާއީލް

🇦🇪 - ޔޫ.އޭ.އީ

🇰🇼 - ކުވައިތު

🇶🇦 - ޤަޠަރު

🇧🇭 - ބަޙްރޭން

🇮🇶 - ޢިރާޤު

🇸🇦 - ސައުދީ އަރަބިއްޔާ

🇯🇴 - އުރުދުން

🇨🇾🇬🇧 - ސައިޕްރަސްސައިޕްރަސް