އީރާނު ހަނގުރާމަ - މާރިޗު 1 އާއި ވޭތުވެދިޔަ 24 ގަޑިއިރުގެ ޚުލާޞާ:

މުހިންމު ހާދިސާތައް:

🇺🇸🇮🇷🇰🇼-

ކުވައިތުގައި އެމެރިކާގެ ތިން ސިފައިން މަރުވުން:

އީރާނުން ދިން ޑްރޯން ހަމަލާތަކެއް ކުވައިތުގައި ހުންނަ އެމެރިކާގެ އަސްކަރީ މަރުކަޒުގެ ސަލާމަތީ ވަށައިގެންވާ ސަރަހައްދު ފޫއަޅުވާލައި، އެތެރެއަށް އެރުމުގެ ސަބަބުން އެމެރިކާގެ ތިން ސިފައިން ވަނީ މަރުވެފައެވެ.

🇱🇧🇮🇱-

ހިޒްބުﷲ ހަނގުރާމައިގެ ތެރެއަށް ވަނުން:

އިސްރާއީލުގެ އުތުރުގެ ސަރަހައްދުތަކަށް ޑްރޯން ހަމަލާތަކެއް ދީ، ހިޒްބުﷲ އިން ވަނީ ހަނގުރާމައިގެ ތެރެއަށް ވަދެފައެވެ. އަދި ސައިޕްރަސްގައި ހުންނަ އިނގިރޭސިވިލާތުގެ "އަކްރޮޓީރީ" މަރުކަޒަށް ދިން ހަމަލާގެ ފަހަތުގައި ވަނީ ވެސް އެ ޖަމާއަތް ކަމަށް ބެލެވެއެވެ. އިސްރާއީލުން ވަނީ މީގެ ރައްދުގައި ވަރަށް އަވަސް ފިޔަވަޅުތަކެއް އަޅައި، އިސްވެރިން މަރާލުމުގެ ހަމަލާތައް ފަށާފައެވެ.

🇺🇸🇮🇷-

ހަނގުރާމަ ދިގުލައިގެންދާނެ ކަމަށް ޓްރަމްޕް ބުނުން:

މި އޮޕަރޭޝަން 4 ދުވަސް ތެރޭގައި ނިންމާލުމަށް ކުރިން ރޭވި ނަމަވެސް، ހަނގުރާމަ 4 ނުވަތަ 5 ހަފުތާއަށް ދެމިގެންދާނެ ކަމަށް ޓްރަމްޕް މިހާރު ވަނީ ބުނެފައެވެ..

🇺🇸🇮🇷🇮🇱-

އީރާނަށް މެދުނުކެނޑި ހަމަލާދިނުން:

އެމެރިކާއާއި އިސްރާއީލުން ދަނީ އީރާނުގެ އެކި ތަންތަނަށް ހުއްޓުމެއްނެތި ހަމަލާދެމުންނެވެ. މީގެ ތެރޭގައި އީރާނުގެ ދައުލަތުގެ މީޑިއާ (IRIB) ގެ މަރުކަޒު ވެސް ހިމެނެއެވެ. ރިޕޯޓްތައް ބުނާގޮތުގައި އެންމެ 30 މިނެޓު ތެރޭގައި 35 ވައިގެ ހަމަލާ ވަނީ ދީފައެވެ.

🇺🇸🇮🇶🇮🇷-

ޢިރާގުގައި ހުރި އެމެރިކާ މަރުކަޒަށް ހަމަލާދިނުން:

ޢިރާގުގެ ކުރުދިސްތާނުގެ އަރްބީލްގައި ހުންނަ އެމެރިކާގެ މަރުކަޒަށް އީރާނުން ގިނަ އަދަދެއްގެ ބެލިސްޓިކް މިސައިލް ހަމަލާ ވަނީ ދީފައެވެ. މީގެ ސަބަބުން އެ މަރުކަޒަށް ބޮޑެތި ގެއްލުންތަކެއް ލިބިފައިވާ ކަމަށް ފެނެއެވެ. މީގެ އިތުރުން، ބަޣުދާދުގައި ހުންނަ އެމެރިކާ އެމްބަސީއަށް ވަދެގަތުމަށް މުޒާހަރާގެ ބައިވެރިން މަސައްކަތް ކުރުމުގެ ތެރޭގައި، މުޒާހަރާގެ ބައިވެރިންނާއި ފުލުހުންގެ ތެރެއިން ގިނަ ބަޔަކު ވަނީ މަރުވެ ޒަޚަމްވެފައެވެ.

🇺🇸🇮🇶-

ވިކްޓޯރިއާ މަރުކަޒަށް ހަމަލާދިނުން:

ޢިރާގުގެ ހަނގުރާމަވެރި ޖަމާއަތްތަކުން ބަޣުދާދު އެއާޕޯޓް ކައިރީގައި ހުންނަ އެމެރިކާގެ ވިކްޓޯރިއާ ބޭސްއަށް ޑްރޯން ހަމަލާތަކެއް ވަނީ ދީފައެވެ.

🇮🇷🇴🇲-

ހޯރްމޫޒް ކަނޑުއޮޅި ބަންދުކުރުން:

އީރާނުން އެ ސަރަހައްދު ބަންދުކޮށް، އެ ސަރަހައްދުން ދަތުރުކުރި ފަސް ތެޔޮ ޓޭންކަރަކަށް ހަމަލާދީފައިވެއެވެ. ބްލޫމްބާގުން ރިޕޯޓްކުރާ ގޮތުގައި މިކަމުގެ ސަބަބުން ތެލުގެ އަގު %13 މައްޗަށް ގޮސް، ފީފާއެއްގެ އަގު މިހާރު ވަނީ 80 ޑޮލަރަށް އަރާފައެވެ.

🇮🇷🇦🇪🇧🇭-

ގަލްފުގެ ގައުމުތަކަށް ހަމަލާދިނުން:

ގަލްފު ސަރަހައްދުގައި ތިބި އެމެރިކާގެ މުވައްޒަފުން ދިރިއުޅޭ ކަމަށް ބެލެވޭ އަގުބޮޑު ހޮޓާތަކަށް އަމާޒުކޮށް އީރާނުން ދަނީ ހަމަލާތައް ދެމުންނެވެ.

🇮🇷-

އީރާނުގެ އައު ލީޑަރު އައްޔަންކުރުން:

އިއްޔެ ޢަލީ ޚާމަނާއީ މަރާލުމާ ގުޅިގެން، އީރާނުގެ ވަގުތީ ރޫޙާނީ ލީޑަރަކަށް އާޔަތުﷲ ޢަލީ ރިޟާ އަރާފީ ވަނީ އައްޔަންކޮށްފައެވެ.

🇮🇷🇱🇧🇮🇱-

އިސްރާއީލަށް ހަމަލާދިނުން:

އީރާނުން އިސްރާއީލުގެ އެކި ސަރަހައްދުތަކަށް ގިނަ އަދަދެއްގެ މިސައިލާއި ޑްރޯން ފޮނުވާލާފައިވާއިރު، 10 އަށްވުރެ ގިނަ މީހުން މަރުވެ، ސަތޭކައަށްވުރެ ގިނަ މީހުން ވަނީ ޒަޚަމްވެފައެވެ. ހަމަލާ އެރި ސަރަހައްދުތަކުގެ ތެރޭގައި:

ތަލް އަބީބް

ގުދުސް

ޙައިފާ

މަރުކަނޑު (Dead Sea)

ރަމަޠު ގާން

ނެގެވް

🇺🇸🇮🇷🇮🇱-

އީރާނުގެ ތެރޭގައި އެމެރިކާއާއި އިސްރާއީލުން ހަރަކާތްތެރިވާ ސަރަހައްދުތައް:

ތެހެރާން

ކަރްމާންޝާހް

އަހްވާޒް

ބަންދަރު އައްބާސް

ތަބްރީޒް

އާބާދާން

ބޫޝެހްރު

ޖުމްލަގޮތެއްގައި، އީރާނުން މިހާތަނަށް ހަމަލާދީފައިވާ ގައުމުތަކާއި މަރުކަޒުތައް:

🇺🇸 - އެމެރިކާ

🇮🇱 - އިސްރާއީލް

🇦🇪 - ޔޫ.އޭ.އީ

🇰🇼 - ކުވައިތު (އެމެރިކާގެ 3 ސިފައިން މަރުވި)

🇶🇦 - ޤަޠަރު

🇧🇭 - ބަޙްރައިން

🇮🇶 - ޢިރާގު

🇸🇦 - ސައުދީ އަރަބިއްޔާ

🇯🇴 - އުރުދުން

🇴🇲 - އޮމާން

🇸🇾 - ސޫރިޔާ

🇨🇾🇬🇧 - ސައިޕްރަސް (އިނގިރޭސި ވައިގެ މަރުކަޒު އަކްރޮޓީރީ)

🇫🇷 - ފްރާންސް (ޔޫ.އޭ.އީ ގައި ހުންނަ ކޭމްޕް ޑި ލަ ޕައިކްސް)

🇮🇹 - އިޓަލީ (ކުވައިތުގެ ޢަލީ އަލް-ސާލިމް މަރުކަޒުގައި ހުންނަ ނޭޓޯ ކޭމްޕް)

Telegram channel

https://t.me/+iio6IHAfFVwyYzA9