ނިޔާލާގައި ޔޫ.އޭ.އީ އިން ފޯރުކޮށްދީފައިވާ ޗައިނާގެ ވައިގެ ދިފާއީ ނިޒާމެއް އާރް.އެސް.އެފް އިން ބޭނުންކުރަނިކޮށް ފެނިއްޖެ
- haqqubooks
- Jan 29
- 1 min read
ލީކުވެފައިވާ ފޮޓޯތަކުން ފެންނަ ގޮތުގައި، ސޫދާނުގެ ނިޔާލާ ސަރަހައްދުގައި "ރެޕިޑް ސަޕޯޓް ފޯސަސް" (އާރް.އެސް.އެފް) އިން ދަނީ ޗައިނާގައި އުފައްދާފައިވާ "އެފް.ކޭ-2000" މަރުކާގެ ވައިގެ ދިފާއީ ނިޒާމެއް ބޭނުންކުރަމުންނެވެ.
މި ނިޒާމުގެ އެހީގައި އާރް.އެސް.އެފް އިން ވަނީ އަލްފާޝިރުގެ ވައިގެ ސަރަހައްދު ބަންދުކޮށް، ސޫދާނުގެ އަސްކަރިއްޔާއަށް ބޭނުންވާ ތަކެތި އުފުލާ މަތިންދާބޯޓުތަކަށް ހުރަސްއަޅާފައެވެ. އަދި ބައެއް މަތިންދާބޯޓުތަކާއި ޑްރޯންތައް ވައްޓާލާފައިވާއިރު، މިއީ އެ ސިޓީ އެ ޖަމާއަތުގެ ބާރުގެ ދަށަށް ދިއުމަށާއި އާންމުންނަށް ދެވުނު ހަމަލާތަކަށް މަގުފަހިވި މުހިންމު ސަބަބެއް ކަމަށް ރިޕޯޓްތައް ބުނެއެވެ.
މަޢުލޫމާތު ލިބޭގޮތުގައި، މި ނިޒާމު ސޫދާނަށް އެތެރެކޮށްފައިވަނީ ޗާޑްގެ އެހީތެރިކަމާއެކު ޔޫ.އޭ.އީ މެދުވެރިވެގެންނެވެ. މިއީ 2025 ވަނަ އަހަރުގެ ކުރީކޮޅު އާރް.އެސް.އެފް އަށް ކުރިމަތިވި ނާކާމިޔާބީތަކަށްފަހު، އެ ޖަމާއަތުގެ އަސްކަރީ ގާބިލްކަން އަލުން އާލާކޮށް ހަނގުރާމަ ދިގުލައިގެން ދިއުމަށް މެދުވެރިވި މުހިންމު ވަސީލަތެކެވެ.
