އެސް.ޑީ.އެފް އިން އިސްރާއީލާއެކު މަޝްވަރާކުރަމުންދާ ކަމަށް ތުރުކީގެ ޚާރިޖީ ވަޒީރު ބުނެފި

ތުރުކީގެ ޚާރިޖީ ވަޒީރު ހަކާން ފިދާން ހާމަކުރި ގޮތުގައި، ސޫރިޔާގެ ޑިމޮކްރެޓިކް ފޯސަސް (އެސް.ޑީ.އެފް) އިން ދަނީ އިސްރާއީލާއެކު މެދުނުކެނޑި މަޝްވަރާތައް ބާއްވަމުންނެވެ. ފިދާން ވަނީ އެސް.ޑީ.އެފް އިން އިސްރާއީލާ ގުޅިގެން ހަރަކާތްތައް ރާވަމުންދާ ކަމަށް ތުހުމަތުކުރައްވައި، މިއީ އެ ސަރަހައްދުގައި އިސްރާއީލުން ގެންގުޅޭ "ބައިބައިކޮށްގެން ވެރިކަންކުރުމުގެ" ސިޔާސަތަށް މަގުފަހިވާ ކަމެއް ކަމަށް ވިދާޅުވެފައެވެ.

އަދި މިކަމުގެ ސަބަބުން އެ ޖަމާއަތުގެ ގޮތްދޫނުކުރުން އިތުރުވެ، އެސް.ޑީ.އެފް އާއި ސޫރިޔާގެ އައު ސަރުކާރާ ދެމެދު ކުރިއަށްދާ މަޝްވަރާތަކަށް ބޮޑެތި ހުރަސްތަކެއް ކުރިމަތިވަމުންދާ ކަމަށްވެސް އޭނާ ފާހަގަކުރެއްވިއެވެ.

މި މަޝްވަރާތަކާ ގުޅޭގޮތުން އެސް.ޑީ.އެފް އިން ނުވަތަ އިސްރާއީލުން ވެސް ރަސްމީކޮށް އަދި އެއްވެސް އެއްޗެއް ބުނެފައެއް ނުވެއެވެ