ޝައިޚް މަޤްޞޫދުން މީހުން ހުސްކުރުމުގެ މަސައްކަތަށް އެސް.ޑީ.އެފް އިން ހުރަސްއަޅައިފި

ޝައިޚް މަޤްޞޫދު ސަރަހައްދަށް ފޮނުވި ބަސްތައް ބޭނުންކޮށްގެން މީހުން ބޭރުކުރުމަށް ކުރި ދެ މަސައްކަތް ވެސް ނާކާމިޔާބުވެފައިވަނީ، އެސް.ޑީ.އެފް (SDF) ގެ ހަނގުރާމަވެރިން އެއްބަސްވުމަށް އިޙްތިރާމް ނުކުރުމުގެ ސަބަބުންނެވެ. މިއާ ގުޅިގެން ސޫރިޔާގެ އަސްކަރިއްޔާއިން ވަނީ މިއަދު ހަވީރު 4:00 އިން 6:00 އަށް އިންސާނީ އެހީގެ ކޮރިޑޯއެއް ހުޅުވާލާފައެވެ.

އަސްކަރިއްޔާއިން ވަނީ ޝައިޚް މަޤްޞޫދު އަވަށުގެ ރައްޔިތުން ރައްކާތެރިކަމާއެކު އެ ސަރަހައްދު ދޫކޮށް ދިއުމަށް އިލްތިމާސްކޮށްފައެވެ. އަދި އެސް.ޑީ.އެފްގެ ހަނގުރާމަވެރިން ހަތިޔާރު ބަހައްޓައި އަމާންދިނުމަށް ގޮވާލާފައިވާއިރު، އަމާންދޭ ފަރާތްތަކުގެ ފުރާނައިގެ ރައްކާތެރިކަން ކަށަވަރުކޮށްދޭނެ ކަމުގެ ޔަގީންކަން ވެސް އަސްކަރިއްޔާއިން ވަނީ ދީފައެވެ.