އިންސާނާ މީސްތަކުންނާ އޮންނާ ގުޅުމުގައި އޭނާގެ ނަފްސު ބެލެހެއްޓުން:
- --
- Jan 7
- 1 min read
އިންސާނާގެ ނަފްސާ މީސްތަކުންނާ އޮންނަ ގުޅުން އޭނާގެ ބުއްދި ބޭނުންކޮށްގެން ރާވާ ހަމަޖައްސަން ޖެހެއެވެ.
އެހެނީ އޭނާގެ އަމިއްލަ ނަފްސުގެ ޠަބީޢަތާއި ނަފްސު ލެނބޭ ކަންތައް އެންމެ ބޮޑަށް ދަންނަނީ އޭނާއެވެ.
އެގޮތުން އެހެން އެއްޗަކުން އެނަފްސަށް އުނދަގޫ ނުޖައްސާ، އަދި އެނަފްސުން އެހެން މީހަކަށްވެސް އުނދަގޫ ނުޖައްސާހުއްޓެވެ.
އެކަންވާނެ ގޮތަކީ: އޭނާ އެބަޔަކާ އެކުވެ މަސްހުނިވެ އުޅޭ ނުވަތަ އެކުވެރިވެ ނުވަތަ ބައިވެރިވެގެން އުޅޭ މީހުންގެ ނަފްސުތައް ދެނެގަނެ، އަދި އެމީހުންގެ ނަފްސުތަކާ އޭނާގެ ނަފްސު އެއްގޮތްވެ އިއްތިފާޤުވާ މިންވަރަކީ ކޮބައިތޯ އަދި އޭނާގެ ނަފްސު އެމީހުންނާ ގަޔާނުވެ ދުރުވަނީ ކިހާވަރެއްތޯ ދެނެގަނެ، (އޭގެ މައްޗަށް) ބަޞީރަތާއި ދުރުވިސްނުން ހޯދައިގެންނެވެ.
ދެން އެއަށްފަހުގައި އެނަފްސުތަކާ އޭނާގެ ނަފްސު ގުޅޭނެ މިންވަރެއް އޭނާއަށް އެނގެއެވެ.
އެގޮތުން އެމީހުންގެ ތެރޭގައި އޭނާގެ ނަފްސާއެކު އެކުވެ މަސްހުނިވެއުޅުން ގިނަކުރުން ރަނގަޅު ނަފްސުތައްވެއެވެ.
އަދި އޭގެ ތެރޭގައި ހަމައެކަނި (ވަޤުތީގޮތުން އެކުވެ) ދިމާވެލާ ދިމާވެލުމެއް ނޫނީ އެނަފްސާ އެކަށީގެންނުވާ ނަފްސުތައްވެއެވެ.
އޭނާގެ ނަފްސަކީ ޠަބީޢަތުގައި ހަރުގޮތެއް ހުންނަ، ރުންކުރުވާ ނަފްސެއްނަމަ އޭނާގެ މައްޗަށްވަނީ އޭނާގެ ނަފްސާ އެއްފަދަ ގޮތަކަށް ޠަބީޢަތްވާ ނަފްސުތަކާ،
ނުވަތަ ނަފްސުތައް ނުދަނެ ބޭނުން އެއްޗެއްކިޔާ ބޭނުންގޮތެއް ހަދާ، ގުޅިގެންއުޅެން ނޭނގޭ ގަބު ވިސްނުންކޮށި ނަފްސުތަކާ އެކުވެއުޅުން ގިނަ ނުކުރުމެވެ.
އެފަދައިން އެމީހެއްގެ އަމިއްލަ ނަފްސުގެ ކިބައިން ކޮށިކަމާއި ބަލިކަށިކަމާއި އަދި ދުޝްމަނުންނާ ދިމާކުރުމުގައި ނުކުޅެދުންތެރިކަން ހުރިކަން އެނގިއްޖެމީހާ,
ފަހެ އޭނާގެ މައްޗަށްވަނީ އެފަދަ ކަންކަމަށް އޭނާގެ ނަފްސު ހުށަނޭޅުމެވެ.
އެއީ އެނަފްސަށް ކުޅަދާނަ ނުވާފަދަ ބަސްތަކެއް އިވިގެން އެނަފްސަށް އުނދަގޫ ޖެހިގެން ނުވުމަށް، އަދި (ބަދަލުނުހިފާ އެއްޗެއްނުބުނެ) ހަނުހުރުމުން އެނަފްސަށް ކުރާ ނޭދެވޭ އަސަރުގެ ގެއްލުމެއް ނަފްސަށް ލިބިނުދިނުމަށެވެ.
މިއީ އޭނާގެ ނަފްސުގައިވާ ޢައިބެއް ނޫނެވެ. އަދި މީސްތަކުންގެ ނަފްސުތަކުގައިވާ ޢައިބެއްވެސް ނޫނެވެ.
އެކަމަކު ބުއްދިވެރިންނަށް ދެވޭ ޙިކްމަތްތެރި ގޮތަކީ: ނަފްސުތައް އެއާ އެކަށީގެންވާ މަޤާމުތަކަށް ލުމެވެ.
އެހެނީ ނަފްސަކީ އެއާ ގުޅޭ މުނާސަބުވެގެންވާ ކަންތަކެއްވާ، އަދި އެއާ ވަކިވެ ޚިލާފުވާ ކަންތަކެއްވާ މަޚްލޫޤެކެވެ.
އަދި ނަފްސުތަކުން އަންނަ ނުބައިކަމުގެ އަޞްލަކީ އެ ނަފްސު ލާންނުޖެހޭ މަޤާމަށް އެނަފްސު ލުމެވެ.“
-ޝެއިޚު ޠަރީފީ-
📖 އަލްފަޞްލު ބައިނައް ނަފްސި ވަލްޢަޤްލު 📖
