އެސް.ޑީ.އެފްގެ ހުށަހެޅުންތަކަށް ސޫރިޔާ ސަރުކާރުން އިންކާރުކޮށްފި
- haqqubooks
- Jan 7
- 1 min read
ސޫރިޔާގެ ޑިމޮކްރެޓިކް ފޯސަސް (އެސް.ޑީ.އެފް) އާއެކު ކުރިއަށްދާ މަޝްވަރާތަކާ ގުޅޭގޮތުން، ސޫރިޔާގެ ދިފާއީ ވުޒާރާގެ މަޞްދަރުތަކުން "ލެވަންޓް24" އަށް މައުލޫމާތު ދީފައިވާ ގޮތުގައި:
📌 އެސް.ޑީ.އެފް އިން ވަނީ އެ ޖަމާއަތުގެ ބެލުމުގެ ދަށުން ހިނގާ ތިން ޑިވިޜަން އުފެއްދުމަށާއި، އަންހެން ހަނގުރާމަވެރިންގެ ގޮފި (ވައި.ޕީ.ޖޭ) އުވާނުލައި ބޭއްވުމަށް ހުށަހަޅާފައެވެ. އަދި ސޫރިޔާގެ އަސްކަރިއްޔާއާ ގުޅުމަށްފަހު، އެބައިމީހުންގެ ތެރެއިން "ޗީފް އޮފް ސްޓާފް" އެއް އައްޔަންކުރުމަށްވެސް ވަނީ އެދިފައެވެ.
📌 ދިފާއީ ވުޒާރާގެ އިސް މަގާމުތަކުގެ 30 އިންސައްތަ އެބައިމީހުންނަށް ދިނުމަށް އެސް.ޑީ.އެފް އިން ހުށަހެޅިއެވެ. މީގެ ތެރޭގައި ޑެޕިއުޓީ ޑިފެންސް މިނިސްޓަރުގެ މަގާމާއި، ވުޒާރާގެ މީޑިއާ އޮފީހުގެ ކޮންޓްރޯލް ހިމެނެއެވެ.
📌 ދީރް އެއްޒޫރު، ޙަސަކާ އަދި ރައްގާގައި ދިފާއީ ވުޒާރާގެ ހަރަކާތްތައް ހަނިކުރުމަށާއި، އެ ސަރަހައްދުތަކުގައި ސިފައިންނަށް ދަތުރުކުރެވޭނީ އެސް.ޑީ.އެފްގެ ބެލުމުގެ ދަށުން ވަކި މިންވަރަކަށް ކަމަށް އެ ޖަމާއަތުން ހުށަހެޅިއެވެ.
📌 އެސް.ޑީ.އެފްގެ ބާރު އޮންނަ ސަރަހައްދުތަކުގައި މިލިޓަރީ އެކަޑަމީގެ ގޮތްޕަކާއި، ނޭވަލް އެކަޑަމީއެއް ގާއިމުކުރުމަށްވެސް އެ ފަރާތުން އެދުނެވެ.
📌 ސޫރިޔާ ސަރުކާރުން ވަނީ އެސް.ޑީ.އެފްގެ މި ހުރިހާ ހުށަހެޅުންތަކަކަށް ފުރިހަމައަށް އިންކާރުކޮށް، އެކަން ބަލައިނުގަނެވޭނެކަން ހާމަކޮށްފައެވެ.
