ކޮނޑުގައި ދަބަސް އަޅުވައިގެން... މަރުގެ ތުންފަތްމަތީގައި, ޣައްޒާގެ ކުޑަކުދިން އުނގެނެމުންދަނީ ބަޑީގެ ވަޒަންތަކުގެ މެދުގައި..
- haqqubooks
- Jan 6
- 1 min read
ޣައްޒާގައި، ސްކޫލްގެ ދުވަސް ފެށެނީ ރަނގަބީލުގެ އަޑަކުން ނުވަތަ އެސެމްބްލީއަކުން ނޫނެވެ. އޭގެ ބަދަލުގައި ދުވަސް ފެށެނީ ބަޑީގެ ވަޒަންތަކުގެ އަޑާއި، މީހުން ދިރިއުޅޭ ގޭބިސީތައް ގޮއްވާލާ ބާރުގަދަ އަޑުފަށުގެ ތެރެއިންނެވެ.
ކުޑަކުދިން އެކުދިންގެ ދަބަސްތައް ހިފައިގެން، އިމާރާތްތަކުގެ ކުނިބުނިތަކުގެ ތެރެއިން ހިނގާފައި ދަނީ، އެކުދިންގެ ވަށައިގެން އިމާރާތްތައް ގޮއްވަމުންދާ މަންޒަރުތަކުގެ މެދުގައެވެ. އެކުދިންގެ ކޮނޑުގައިވާ ދަބަސްތަކަށްވުރެ، އެކުދިންގެ ހިތުގައިވާ ބިރުވެރިކަން މާ ބޮޑެވެ. އެކުދިން އެ މިސްރާބު ޖަހަނީ ވާރޭގެ ފެނުން ސަލާމަތްނުވާ، އަދި މަރުން ރައްކާތެރިކަން ނުލިބޭ ފޭލިގެތަކާ ދިމާލަށެވެ.
ޣައްޒާގައި، ތައުލީމަކީ ހަމައެކަނި ލިބިދޭންޖެހޭ ހައްގެއް ނޫނެވެ. އެއީ ކޮންމެ ދުވަހަކު ކުރިމަތިލާ ބޮޑު ގޮންޖެހުމެކެވެ. އަދި ހަނދާން ނައްތާލުމަށް މަސައްކަތް ކުރަމުންދާ ފަސްގަނޑެއްގައި، ދިރިހުރުމަށްޓަކައި އެކުދިން ނިންމާފައިވާ ވަރުގަދަ އަޒުމެކެވެ.
ހަލާކުވެފައިވާ އިމާރާތްތަކާއި، ހާލުގައި ޖެހިފައިވާ ހާލަތާއި، އަދި ނުހުއްޓި އިވެމުންދާ ގޮވުންތަކުގެ އަޑުގެ ތެރޭގައިވެސް، އެ ކުޑަކުދިން ބިންމަތީގައި އިށީނދެގެން ތިބެ އަކުރުތައް ދަސްކުރެއެވެ. އަދި ފަސްކުރެވިފައިވާ ހުވަފެންތަކެއް ހަގީގަތަކަށް ހެދުމަށް ގަދައަޅައި މަސައްކަތް ކުރެއެވެ.
