ވެނެޒުއޭލާގެ ތެލުގެ މިލްކުވެރިކަން ހޯދާނެ ކަމަށް ޓްރަމްޕް ބުނުމާ ގުޅިގެން ތެޔޮ ކުންފުނިތަކުން ބަޔާން ނެރެފި
- haqqubooks
- Jan 5
- 1 min read
އެމެރިކާގެ ބާރުގެ ދަށަށް ވެނެޒުއޭލާގެ ރައީސް ނިކޮލަސް މަޑޫރޯ ގެންދިއުމަށްފަހު، އެ ގައުމުގެ ތެލުގެ މުއްސަނދިކަން އެމެރިކާއިން "އަތުލާނެ" ކަމަށް ރައީސް ޓްރަމްޕް ހޮނިހިރު ދުވަހު ބުނުމާ ގުޅިގެން، އެމެރިކާގެ ބޮޑެތި ތެޔޮ ކުންފުނިތަކުން ބަޔާންތައް ނެރެން ފަށައިފިއެވެ.
މިގޮތުން، އެމެރިކާގެ ތެޔޮ ކުންފުންޏެއް ކަމަށްވާ "ކޮނޮކޯފިލިޕްސް" ގެ ތަރުޖަމާނު ޑެނިސް ނަސް ވިދާޅުވީ، އެ ކުންފުނިން ވެނެޒުއޭލާގެ މަސްރަހު ވަރަށް ގާތުން ބަލަމުންދާ ކަމަށެވެ. އަދި ކުރިމަގުގައި އެ ގައުމުގައި ހިންގާނެ ވިޔަފާރީގެ ހަރަކާތްތަކާ ނުވަތަ އިންވެސްޓްމަންޓްތަކާ ގުޅޭގޮތުން މިވަގުތު ވަކި އެއްޗެއް ބުނުމަކީ އަވަސް އަރުވާލުން ކަމަށް އޭނާ ފާހަގަކުރެއްވިއެވެ.
ވެނެޒުއޭލާގެ ދައުލަތުގެ ތެޔޮ ކުންފުނި (PDVSA) އާއެކު ގުޅިގެން، ފާއިތުވި ގަރުނެއްހާ ދުވަހު އެ ގައުމުގައި ހަރަކާތްތެރިވަމުން އަންނަ ހަމައެކަނި އެމެރިކާ ކުންފުނި ކަމަށްވާ "ޗެވްރޮން" އިން "ނިއުސްވީކް" އަށް ދިން ބަޔާނެއްގައި ބުނީ، އެ ކުންފުނީގެ އެންމެ ބޮޑު ސަމާލުކަމެއް މިހާރު ހުރީ މުވައްޒަފުންގެ ރައްކާތެރިކަމަށާއި ކުންފުނީގެ މުދަލާއި ވަސީލަތްތައް ހިމާޔަތްކުރުމަށް ކަމަށެވެ. އަދި އެ ކުންފުނިން މަސައްކަތް ކުރަމުންދަނީ ކަމާބެހޭ ހުރިހާ ގާނޫނުތަކާއި ގަވާއިދުތަކާ އެއްގޮތްވާ ގޮތުގެ މަތިން ކަމަށްވެސް އެ ބަޔާނުގައި ބުނެފައިވެއެވެ
