ފަލަސްތީނުގެ މުޖާހިދީން ހަރަކާތުން ނެރުނު ބަޔާން
- haqqubooks
- Jan 3
- 1 min read
بسم الله الرحمن الرحيم
ފަލަސްތީނުގެ ޣައްޒާ ކަރައިގައި މަސައްކަތްކުރާ ބައިނަލްއަގުވާމީ ގިނަ އަދަދެއްގެ އިންސާނީ އެހީދޭ ޖަމިއްޔާތަކުގެ މަސައްކަތްތައް ހުއްޓުވުމަށް ޞިހްޔޫނީ އިސްތިއުމާރީ ބާރުތަކުން ނިންމި ނިންމުން އަޅުގަނޑުމެން ހަރުކަށި އިބާރާތުން ކުށްވެރިކުރަމެވެ. މިއީ އަޅުގަނޑުމެންގެ ރައްޔިތުންނާ ދެކޮޅަށް ހިންގަމުންދާ ގަތުލުއާންމު އިތުރަށް ވަރުގަދަކުރުމަށް އެޅި ނުރައްކާތެރި ފިޔަވަޅެކެވެ.
މި އިޖުރާމީ ނިންމުމަކީ އާންމު ރައްޔިތުންނަށް، ހާއްސަކޮށް ކުޑަކުދިންނާއި، ބަލިމީހުންނާއި، ޒަޚަމްވެފައިވާ މީހުންނާއި، ނުކުޅެދުންތެރިކަން ހުންނަ ފަރާތްތަކުގެ އިތުރުން ހާލުގައި ޖެހިފައިވާ މީހުންނަށް ދިރިތިބުމަށް ބޭނުންވާ އެހީގެ މަގުތައް ބަންދުކުރުމަށް ދިން ސީދާ ހަމަލާއެކެވެ. މި ނިންމުމުގެ މަގްސަދަކީ ޣައްޒާއާއި ހިފާފައިވާ ހުޅަނގު އައްސޭރި ހިސާރުކޮށް، އެ ތަންތަނަކީ އިންސާނުންނަށް ދިރިނޫޅެވޭ ފަދަ ތަންތަނަށް ހެދުމެވެ.
އެ ޖަމިއްޔާތަކުގެ މުވައްޒަފުންގެ ލިސްޓުތައް، "ސެކިއުރިޓީ ޗެކް" ކުރުމުގެ ނަމުގައި ދުޝްމަނުން ބޭނުންކުރުމަކީ އިންސާނީ މުސީބާތް އިތުރަށް ބޮޑުކޮށް، އެ ޖަމިއްޔާތަކަކީ ޖާސޫސީ ވަސީލަތްތަކަކަށް ހެދުމަށް ހިންގާ ދަށުދަރަޖައިގެ އަމަލެއް ކަމުގައި އަޅުގަނޑުމެން ދެކެމެވެ.
ޞިހްޔޫނީ އިސްތިއުމާރުގެ މި އަނިޔާވެރި ނިންމުން ހުއްޓުވުމަށްޓަކައި ބައިނަލްއަގުވާމީ މުޖުތަމައުން އެފަރާތްތަކުގެ ޒިންމާ އަދާކުރުމަށް އަޅުގަނޑުމެން ގޮވާލަމެވެ. މި ނިންމުމުގެ ސަބަބުން، އިސްތިއުމާރީ ބާރުތަކުން ފަލަސްތީނުގެ ރައްޔިތުންނާ ދެކޮޅަށް ފަށާފައިވާ ހަނގުރާމައިގެ ސަބަބުން ކުރިމަތިވެފައިވާ އިންސާނީ ކާރިސާ އިތުރަށް ގޯސްވެގެންދާނެއެވެ.
ދުނިޔޭގެ އެކި ކަންކޮޅުތަކުގައި ތިއްބެވި މިނިވަންކަމަށް ލޯބިކުރާ ފަރާތްތަކުން، ފަލަސްތީނުގެ ރައްޔިތުންނާއި އެބައިމީހުންގެ ހައްގުތަކަށް ނަސްރުދިނުމުގައި ދެމިތިބުމަށާއި، ޒަމާނީ ތާރީޚު ދުށް އެންމެ ބޮޑު ޖަރީމާތައް ހިންގަމުންދާ ޞިހްޔޫނީންނަށް ޕްރެޝަރު ކުރުމަށް ކުރެވެން ހުރި ހުރިހާ މަސައްކަތެއް ކުރުމަށް އަޅުގަނޑުމެން އިލްތިމާސްކުރަމެވެ.
ފަލަސްތީނުގެ މުޖާހިދީން ހަރަކާތް
މަރުކަޒީ މީޑިއާ
ބުދަ ދުވަސް، 11 ރަޖަބު 1447 ހިޖުރީ
31 ޑިސެމްބަރު 2025 މީލާދީ
